ខគម្ពីរពេញនិយមពី Bakalatiya 2

ចែក​រំលែក

Rero atá nyínyichiri muuma-uma, si Kirisito* i'ùli muuma-uma mwa ndanda sanyi. Ne'kalamo ka nyéte mwo'no mubiri, kàtenganyire ne'kwêmerera eMwana wa Ongo, ola wányisimaa, na kwâna ekalamo kai bushi nanyi.

Nyono ndànganana ebonjo bwa Ongo, bushi akaba ebandu bangénjire bátunganana era muhondo sai mwa kuira kwa Mwaso* atúla àtechire, kukuteta mbu ekufa kwa Kirisito* kwabáa kwa buha!

Tubano, tùli Bayuta ba kabutwa, tutá bandu ba sinji mbaa, abu bakosi be'mabi. Si twìshi kwa kutáli mundu ola ùngatunganana era muhondo sa Ongo, bushi énde áira kwa Mwaso* atúla àtechire. Si emundu énde átunganana era muhondo sa Ongo kurengera ekwêmerera Yesu Kirisito. Rero, netu twemérere Yesu Kirisito, chasiya túbe bandu ba bàtungenene kurengera ebwemeresi bwa tutúsa mwa ndanda sai. Si tùtatungenene bushi twénde twáira kwa Mwaso* atúla àtechire. Bushi kutáli mundu ola ùngatunganana era muhondo sa Ongo bushi énde áira kwa Mwaso* atúla àtechire.