ខគម្ពីរពេញនិយមពី Baefeso 2

ចែក​រំលែក

Bushi tubano twábumbwaa na Ongo. Na kurengera ebuuma bwetu na Yesu Kirisito, átubumbire chasiya túnde twákola emabuya mwa kalamo ketu. Amu mabuya, Ongo ákunganyaa'mo kutengera mira chasiya túnde twáira'mo.

Bushi mwánunulibwe kwa bonjo bwa Ongo, kurengera ebwemeresi. Echera chìtatenganyire nenyu, si lùli lwêmbo lwa Ongo. Atá bushi ne'bya mwénde mwáira, kungesha kuba mundu ola wáchitonga.

Si Ongo atúla wa bonjo bunene, kanji atúla àtusimire na nzii inene. Bushi no'ku, era kutwomola ala'uma na Kirisito*, tútwabaa twáfire mwa myasi ye'muchima bushi ne'mabi metu. Kwa bonjo bwa Ongo ku mwánunulibwe.

Kurengera ebuuma bwetu na Yesu Kirisito, Ongo átwomwere ala'uma nai, twǐme ala'uma nai kwa nguba.

Bushi no'ku, mu mùtatula Bayuta, mùtachiri baenyi nesi bábunga. Si mwera mùli besha chio ala'uma ne'bandu ba Ongo, kanji mwera mùli bandu bo'mwa ngumo yai. Mwera mùli nga nyumba era iímbirwe kwa musingi ola ndumwa* ne'barebi* bêmanzaa. Yesu Kirisito yeine li koi linene lyo'kwa pembe.