ខគម្ពីរពេញនិយមពី Mikolo ye'ndumwa 1

ចែក​រំលែក

Si mwabo, mango eMuchima Mubuya-buya angábandaalira, Ongo angábawa ebuashi. Bushi no'ku, mungére mwába babei banyi mwa musi we'Yerusalemu, no'mwa chio choshi che'Yuteya, ne'che'Samariya, kunaikira no'kwa businda-sinda bwe'butala.»

Era kubǎkula mbu: «Ekumenyerera ebihangi nesi ebyanda, kutabêrekere! Tata yeine iwábikunganyise mira mwa buashi bwai.

Lusuku luuma mango ábaa àbuananyire nabo, era kubachichika mbu: «Mùtafuraa kutenga mwo'no musi we'Yerusalemu, mulínjire cha chiraane Tata ábawaa, cha mwéndee mwômva nábabura. Mwìshi kwa Yowani mwa meshi mu éndee ábatisa ebandu. Si mu suku sieke, mubeke mungábatisibwa kwa Muchima Mubuya-buya.»

Esi ndumwa, abáa énjire áchikangana era siri ku njira sinene era nyuma se'kufa kwai, kwa kusilósa kwa omwókire. Suku mane si aíraa énjire ápamukira kwe'si ndumwa na kunde ásihambalira kwa myasi era yèrekere eBwami bwa Ongo*.

Ábere era amálaa kuteta ebyera, nabo banáchiri bámutumbikisa, Ongo era kumwěrusa mwa chanya mwánameho mabo. Chiro bákachimulola'ko bushi ne'lumbumbu.

Mango bábaa banáchiri bátumbikisa mwa chanya mu Yesu ábaa érukira, unao-unao, balume babiri bera kupamukira era muhondo sabo. Abu balume, bábaa běmbese njimba sa silángere. Bera kubusa esi ndumwa mbu: «Emu besha Kalilaya, chi chitúmire mwêmanga bacha ne'kutumbikisa kwa nguba? Kwo'yu Yesu era kunérusibwa kwa nguba mwa meho menyu, ku akánahuba kufuluka.»