ខគម្ពីរពេញនិយមពី 2 Bakorindo 5

ចែក​រំលែក

Rero, akaba mundu àli mwa buuma na Kirisito*, énde ába mundu muyayaya. Emyasi yo'kwa mira yánaba yàrengire, emyasi iyayaya yánaba yaíkire!

Kirisito* atáiraa chiro na chibi chisibya, si Ongo ámwesaa emusio we'bibi byetu, chasiya mwa kumurengera'ko túbe bandu ba bàtungenene era muhondo sa Ongo.

Bushi twáendekera kuya era muhondo kurengera ebwemeresi, si atá kurengera bya tusène'ko.

Ei myasi yoshi, yénde yátenga era mwa Ongo, iwáhubire kutubika mwa buuma nai kurengera Kirisito*. Kanji Ongo iwátweresise emulimo we'kuhuba kubika ebanji bandu mwa buuma nai. Kubinali! Ongo yeine iwáhubaa kubika ebandu boshi mwa buuma nai kurengera Yesu Kirisito, busira kuanja emabi mabo. Rero, átweresise emulimo we'kunde twáhubanganya emwasi we'kuhuba kubika ebandu mwa buuma nai.

Rero tubano twénjire twáteta mwe'sina lya Kirisito*. Ongo yeine iwábamaalaa kuturengera'ko. Bushi no'ku, twáběma kwe'sina lya Kirisito*: mwěmereraa kunde mwáhuba kuba mwa buuma na Ongo.

Kirisito* áfiraa ebandu boshi chasiya ba bàli bauma-uma, bàtabaa bauma-uma kwa mufa wabo beine. Si babáa bauma-uma, bushi no'yu wáfaa na kwômoka kwa mufa wabo. Bushi no'ku, kutengera lwarero, tùtachianja mundu asibya kukulikana ne'myanya ye'mundu. Chiro àngaba mbu twabáa twénjire twáanja Kirisito* kukulikana ne'myanya ye'mundu, si rero tùtachimuanja bacha.

Bushi enzii ya Kirisito* yénde yátukoresa tu tutúla twèmerere kwa mundu muuma oshâo iwáfiraa ebandu boshi. Kukuteta mbu ebandu boshi bénde báhangira kwa lufu lwai.