ខគម្ពីរពេញនិយមពី 1 Bakorindo 6

ចែក​រំលែក

Mùteshi kwe'mubiri wenyu, lu luhu lwe'Muchima Mubuya-buya, ola utúla mwa ndanda senyu, ola Ongo áberesise? Rero, emubiri wenyu àtachiri wenyu mubeine. Ongo ábaulire mira ku chichiro chinene busese. Rero, mundaa mwákoresa emubiri wenyu kwe'tunda lya Ongo.

Mùteshi kwa ebakosi be'mabi batákabone kwa mwandu we'bwami bwa Ongo? Muténdaa mwáchengeera, bushi ebasingisi, na ba bénde bêra ebasimu, ne'bihungu, nesi emulume ola wénde wáira elusingi na mulume mulikabo, ne'mukasi ola wénde wáira elusingi na mukasi mulikabo, ne'besi, ne'basiya-siya, ne'batamisi, na ba bénde bákamba ebanji, ne'bihumusi, abu boshi batákabone kwa mwandu we'bwami bwa Ongo.

Mundaa mwáhaa elusingi! Bushi emanji mabi moshi, ma mundu énde áira, màtauma kwa mubiri wai. Si ola wáira ebuhungu, énde ába aírire mabi era luulu se'mubiri wai yeine.

Bandu bauma mu mwabo bénde báteta mbu: «Nyéte loso lwa kuira chira kandu.» Kubinali! Si atá chira kandu ku kabêtere mufa! Kanji chiro mbu nyéte loso lwa kuira chira kandu, ndàngemerera kuba kaungu* ka chiro na kandu kasibya.

Ongo iwômwolaa Enawetu Yesu, netu akánatòmwola kurengera ebuashi bwai.