ខគម្ពីរពេញនិយមពី 1 Bakorindo 15

ចែក​រំលែក

Bushi no'ku banyaketu basiirwa, musímikaa busese busira kuliya-liya. Muéndekeraa era muhondo mwa kukorera Enawetu esuku soshi, bushi mwìshi kwe'malibuko ma mwálola'ko bushi nai, matákafe buha.

Si Ongo atóngwe, bushi iwénde wátuma twáimana kurengera Enawetu Yesu Kirisito!

Muténdaa mwêngeerwa! «Ebera babi bénde bátuma ebandu babuya báira emabi.»

Si kwa bonjo bwa Ongo, ku kutumire nába ngo'kwa nyìri. Obu bonjo bùtabaa bwa buha, bushi nàkolaa busese kurenza esinji ndumwa* soshi. Kanangana atá nyínakolaa, si ebonjo bwa Ongo bu bwénjire bwákola mwa ndanda sanyi.

«Era walufu, ekuimana kwao, ngai yi'kuli? Era walufu, ebuashi bwao bwe'kwîta ngai yi'bùli?» Walufu énde ábona ebuashi bwe'kwîta kurengera ebibi. Ne'bibi byénde byábona ebuashi kurengera eMwaso*.

Rero, nera nábabihulira ono mwasi wábaa ùbishibwe: tuboshi tutákafe, si tuboshi tukábindulibwa. Ebyera bikába mu bihangi bieke, ngo'kwa mundu énde ásiba ne'kusibula eliho mango ekaperere kasinda-sinda kakábanjibwa'mo. Bushi mango kakábanjibwa'mo, ebafu bakômwoka, kanji batákachibe ba kubola, netu tukábindulibwa.

Bushi ngo'kwa walufu árechibwaa na mundu muuma, kuno'ku ku ekômwoka kwe'bafu nako, kwarechibwaa na mundu muuma. Rero, ngo'kwa ebandu boshi bénde báfa bushi ne'buuma bwabo na Atamu, kuno'ku ku ebandu boshi bakánahuba kuba bauma-uma bushi ne'buuma bwabo na Kirisito*.

Bushi byěmire ono mubiri we'kubola àbindulibwe kuba mubiri ola utá wékubola. Ne'mubiri we'kufa, byěmire àbindulibwe kuba mubiri ola utá wékufa.

Bushi byěmire Kirisito* aéndekere kwîma kuikira mango Ongo akába àbikire ebarenda bai boshi kuba chisimachiro chai. Ne'murenda musinda ola ukáhandulibwa, àli walufu.