ខគម្ពីរពេញនិយមពី Markos 6

ចែក​រំលែក

Manang to-o madég ya utaw na migliku-likuꞌ adti sayid nilan aw walaꞌ ya selat nilan kyuman, yanagaw miglong si Jisus sa manga umagakan nan, “Naten madtu ni kaligbinan pada maglagdeng dagawdagaw.”

Aw miglong si Jisus kanilan, “Walaꞌ ya propita na pagbasa͡an adti kanan banwa aw kanan kadégan, manang pagbasa͡an baling sakanan adti eped na manga banwa.”

Pagpanog da ni Jisus lekat adti balangay, kyinitaꞌ nan ya to-o madég na utaw na migkatipun dun. Aw to-o sakanan nyallat kanilan kay kasiling silan na manga karniro na walaꞌ ya magdadiyaga͡ay. Yanagaw madég ya pigpalna-u ni Jisus kanilan.

Yeiy ya du-an na walaꞌ abay ya milagru na nya-imoꞌ nan dun ni kanilan. Tabay ya utaw na pigkaguli-an, taman oloꞌ na pigpandungan nan sa kanan palad. Aw nya-enneng-enneng si Jisus asuntu na walaꞌ silan pangintu-u kanan. Yanagaw piglegeb nan baling ya eped na manga baranggay aw migpalna-u sa manga utaw adtu.

Pigkamang ni Jisus ya limallapid ya pan aw duwambulus ya isdaꞌ. Aw lyumangad sakanan adti langit aw pigpasalamatan nan adti Tyumanem. Aw tigkas yan, pigtenga-tengaꞌ nan ya pan aw pig-atag nan adti kanan manga umagakan na un nilan atped-atped adti manga utaw. Maynan uman, pigtenga-tengaꞌ ni Jisus ya duwambulus ya isdaꞌ adti manga utaw. Kyuman ya kadég nilan aw alag silan nyangkabiyag. Aw pigpan-imun na manga umagakan ni Jisus ya nyasamaꞌ na pan aw isdaꞌ, aw nyangkatmuꞌ ya sampuluꞌ tag duwa (12) ya be-en.