ខគម្ពីរពេញនិយមពី Markos 2

ចែក​រំលែក

Aw sa pagdengeg ni Jisus sa piglong nilan, pigtubag nan silan magi sa pundinganan, law nan, “Ya manga utaw na mangkadyaw ya lawas, diliꞌ nilan ka-ilangan ya doktor. Manang ya manga utaw na awun magkedel, silan ya awun ka-ilangan sa doktor. Ya pigkadi ku asini tas na lupaꞌ, yan ya pagtawag sa manga utaw na nyaka-edeꞌ sa manga salaꞌ nilan, pada magselsel silan aw dumalug kanak. Manang ya manga utaw na iman nilan aw walaꞌ ya kanilan salaꞌ adti Tyumanem, bekeꞌ nilan ya pigtawag ku.”

Kyinitaꞌ ni Jisus ya kadakulaꞌ na pagpangintu-u nilan, yanagaw piglongan nan ya pulid, “Kay Lew, ya manga salaꞌ mu adti Tyumanem, piglanas da.”

Aw piglongan pa silan ni Jisus, “Ya Allaw na Paglagdeng pig-imoꞌ pada sa manga utaw. Walaꞌ imo-a ya utaw pada sa Allaw na Paglagdeng.

Manang asuntu sa kadég na utaw, walaꞌ silan pakapalapit adti kan Jisus. Yanagaw piggawangan nilan ya atep dun ni tas ni Jisus, aw pigtonton nilan adti dalem ya pigpakulangan sa pulid.

Manang matinawun ku adti kamayu na aku na Iseꞌ na Utaw awun katundanan ku asini tas na lupaꞌ maglanas sa manga salaꞌ na manga utaw.” Tigkas yan, miglong si Jisus adti eseg na pulid, “Pagbangun kaw. Dala͡a ya pigtingga͡an nilan kanmu aw uliꞌ da kaw!”

Ayin kaꞌ ya molas paglongun adti eseg na pulid, ‘Ya manga salaꞌ mu nyalanas da,’ aw kun paglongun sakanan, ‘Pagbangun kaw. Dala͡a ya pigtingga͡an nilan kanmu aw panaw da kaw’?

Aw dun ni asdangan na manga utaw, migbangun ya eseg aw maksay nan pigdala ya pigtingga͡an kanan aw nyanaw da sakanan. Aw to-o nya-enneng-enneng ya manga utaw, aw pigdeyen nilan ya Tyumanem, aw law nilan, “Walaꞌ pa tadun kita-a ya kasiling na maynini!”