ខគម្ពីរពេញនិយមពី Juan 15

ចែក​រំលែក

“Aku ya punu-an na balagen na paras, aw kamu ya manga sanga. Ya utaw na gayed nyatingen asini kanak aw aku uman awun ni kanan, yan ya utaw na to-o pa mamunga. Kay kun walaꞌ aku, walaꞌ ya mabatug mayu.

Katingen kamu asini kanak kasiling uman na awun aku ni kamayu. Diliꞌ makabunga ya sanga kun walaꞌ dun ni punu-an. Maynan uman diliꞌ kamu makabunga kun diliꞌ kamu matingen asini kanak.

Manang kun matingen kamu adi kanak, aw kun kenneꞌ pa adti kamayu anenganeng ya pigpalna-u ku, na, pagsekat kamu sa pangkay unu ya kaliman mayu aw imo-un saba kamayu.

Bekeꞌ mayu ya nyamalliꞌ kanak. Aku saba ya nyamalliꞌ kamayu. Aw pigtani ta kamu na un magpa-edeꞌ sa palna-u ku adti manga utaw pada mangintu-u silan, aw yeiy ya palangad bunga mayu na diliꞌ magkalat. Aw yanagaw pangkay unu ya sekaten mayu adti Ama magi sa kanak ngalan, atag nan kamayu.

Kun awun utaw na mag-atag sa kanan pagka-utawun pangkay pa adti pagkamatay pada sa manga ubaybay nan, yan ya pagginawa na walaꞌ ya maka-unawa.

Ya kadég na sanga ku na walaꞌ pakabunga, utudun nan. Aw ya manga sanga na nyamunga, panalingsingan nan pada to-o pa mamunga.

Ini ya kanak suguꞌ: Paggaginawa͡ay kamu kasiling na pagginawa ku kamayu.

Aw magi sa pagpamunga mayu na to-o madég, madeyen ya Ama. Aw yeiy ya magmatinaw na kamu ya kanak manga umagakan.

Talana ni Jisus aw manga umagakan nan nyanaw, migpadeleg sakanan miglong adti kanilan, “Aku ya tengteng na punu-an na balagen na paras, aw ya Ama ku, yan ya magsanggila-ay.

Manang ya utaw na walaꞌ katingen adi kanak, kasiling sakanan na sanga na pig-utud aw pig-agbel adti ligad aw magdang da. Aw tigkas yan, panimunun aw agbel adti atulun.

“Piglong ku yeiy adti kamayu pada ya kanak pagleya awun ni kamayu aw ya pagleya mayu dayaw malingeb.

Kun dalugun mayu ya kanak manga suguꞌ, tengteng na awun kamu ni kanak pagginawa, kasiling na dayaw ku pigtuman ya manga suguꞌ na Ama ku, aw gayed aku awun ni kanan pagginawa.

Ini ya kanak suguꞌ kamayu: Gayed kamu paggaginawa͡ay.”

Kun kenneꞌ pa mayu nyaka-akup sa manga utaw na walaꞌ pangintu-u, ginawa͡an kamu galu nilan. Manang asuntu na pigpamalliꞌ da ta kamu, walaꞌ da kamu paka-akup dun ni kanilan. Yanagaw yan ya du-an na pigdumutan kamu nilan.