ខគម្ពីរពេញនិយមពី Chukutumbula 39

ចែក​រំលែក

Bhambo Chapanga akibha pamonga na Uchupo, ngantangatila mu kila kilebhe chahengita. Uchupo ngahengita mahengo munyumba jha munahota gwake Mmichile.

Kwa nhwalo gwenio, Potifa ngampe Uchupo ukindendeke mu ilebhe yake yoha, na Potifa ngaleka kutumika kwa chochoha nambo nga chakulya chake tugha. Uchupo akibha kangombo jhuna yegha jhina makalala na jwanyahinyahi.

Yene, nkolongwa jwa kipungo ngammeka Uchupo kubhehe nkolo jwa akapungwa bhoha, kila kilebhe chikitendwa mwenio, kiteilwa kwa ukindendeke gwake.

Ngantola Uchupo nu kuntabha mu kipungo, chehemo jhibhatabhitwe, akapungwa bha akanahota akakolongwa. Nambo Bhambo Chapanga ngabhehe na Uchupo pamonga, ngampe mota na nkolongwa jwa kipungo ngahanganichwa nako.

Palonge pandina, aanabha bha Potifa ngang'ana Uchupo, ngannobholila, “Nng'oloke nanenga!” Nambo Uchupo ngakana. Pannobholila mwikeghe jwenio, “Nenga angamwii ukindendeke mu kila kilebhe chochoha unyumba jhake jhenje, kila kilebhe chakwete angamwiye nenga nyemelele. Pakajhango pano abhii jhe jhuna ukindendeke kumbeta nenga, anahota gwango anhibhiliki jhe kilebhe chochoha nambo nga mwe tugha maanamundo. Nahobhole kutenda gwanganandela nkolongwa gwenio nukuntende malemwa Chapanga?”

Lichiko limo, Uchupo ngajhingii munyumba kuhenga lihengo. Nkate akibha jhe na ntumiche jhojhoha. Peniya, aanabha gwa Potifa ngakamula nng'olole gwa Uchupo nu kulonge, “Nhwike nng'oloke na nenga!” Nambo Uchupo nganneke nng'olole gwake mulubhoko lwa mwikeghe jwenio nu kutilii panja.