ខគម្ពីរពេញនិយមពី Kubhoka 15

ចែក​រំលែក

na Bhambo Chapanga ngabhalobholila, “Anda nnyokanakii mbone lilobhe lyango nenga Bhambo Chapanga gwino, na kutenda ghighabhi tela palonge jhango, na kuechimu nhwilo na malaghilo ghango, bhahe naninnete jhe malwalo ghoghoha ghinaletila Akamichile. Nhwalo nenga ndi Bhambo Chapanga jwaninnamicha mangota.”

Bhambo Chapanga ndi makakala ghango na uhotolo gwango, na jwene ndi jwangombwila, ndi Chapanga gwango naninnomba, na Chapanga jwa tate gwango naninnyinamila.

Mwe Bhambo Chapanga, ghane panakate jha ichapanga jwabhii tela na mwenga? Ndi ghane jwabhii ngita mwenga jwa nyahinyahi hake? Jhumijhoghoha kwa itendwa ya nyahinyahi, ghane jwaitenda ikangacho ngita mwenga?

“Kwa upalo gwino nkolo mwalongwiye bhando bhamakombwi, kwa makakala ghino mwalongwiye ade pa kitamo chino cha nyahinyahi.

Pabhahikita chehemo jhikemwa Mala, ngabhaghakolila mache nambo bhakahotwi jhe kunywe mache gheniya nhwalo ghakibha mabhabhaho. Yene chehemo jhenie ikemwa Mala, mana jhake, “Kubhabha.” Bhahe, bhando bhoha ngabhankokilekela Mucha kulonge, “Ngohe natunywa nike?” Peniya, Mucha ngannelila Bhambo Chapanga, na Bhambo Chapanga ngannangiya kimbengembenge, Mucha ngakitumbukiya umache, papa mache ngaghabha ghambone. Kwenio Bhambo Chapanga ngabhapela nhwilo na lilaghalikilo Akaichilahele, na kwajhigha