ខគម្ពីរពេញនិយមពី Ephésiens 6

ចែក​រំលែក

Ebadie éndé na wa n’anyô tôsagenya n’oma. Tôgenya te na édidi ébévani éndé n’enyanga na édigaa va gatse atsina n’oba, na atômie, na ditômuye na kumuye yagô tsengene yaô yevitsi.

Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.

Nzambé anôétsa ékeeyie éedi gôégenya. Tambô tsuani na aatani éangô gôéba na ngudi yekumba yabédé n’eodo éndé n’edi gôégenya.

T’ebandô nanôbeenda mbe n’atsatsee tsôpani na tsuani ékeeyi éaNzambé éetso. Vane gô ndéô édangani nôngaba na vévé gôévéngéa môdudeo. Na vangamananye égenya ngu na v’ekôdéô éebadie, nôngaba te ôbéôbéô mitie gô étungue éanyô.

Môtéma ôndé gôndé Jésus gébé na paga te ga gébakanédéô sotô. Gô mabadime metso sumbédani sangô géngabakanéda anye gôékumba makongo mayôa na soto magunya One Môbévani. Singani géobogeo saJésus géndé ga gépôkôdô samianga gôéata gô môtsé. Tsôpani Mane Mamavovo Nzambé gatsôpu ébaga émeetsô anye na Gedidi sedi.

Bakani na vévé gôéenéa môgenyee. Oodedani Mabégô MaPie MaNzambé goodedanye môkodi v’ôninge. Aatani étsimama gaatô ngoyi éamianga. Aatani géviôviô seekéda Tsangô Eamôsôba éagétabé, gaatanye pondu gô makôdô.

Endé te nane. Butani édiia ngudi yanyô gô ngudi dipôni yaKumu Jésus na gô évamba éndé anye n’edi.

Gô mitôma na mige miaNzambé amatôma mbe: Gobeda yoo na tétoo. Gô nzima yamitôma, ôdôô te môtômee amapanga ômavangana Nzambé na môgobedi mbe: Okô ôéndi angô, nangagôétsa mate. Mateme te mbe ôngaba na gétabé na pitsiye yoo yava tsina dingayeka.

Ndongi yedi te yanyô anéngé. Eyanzee éetsô anye na Kumu Nzambé te gôégobeda yoo na tétoo, gôébégô Nzambé amuene anyôngéô te nane.