ខគម្ពីរពេញនិយមពី I Corinthiens 12

ចែក​រំលែក

Gédidi SaNzambé géviga na gô mitéma miasô n’anyô gôétôétsa môma na môma môgôôe wedi mbe ayanza n’angô gôényepeda mbumu éaNzambé muetso.

Wa n’anyô muetso tôndéké te ôtô aJésus‐Christ. Môma na môma te géeme gévo.

Gôwangô môpéndé, môtanda ôôkô pievia. Na dôta ôkô géema gévo gékumédu, na éeme éetso éndé gôétsôkéa.

Gédidi SaNzambé géétsa môma môvo môgôô eodo éenigôa ébégô ga te amuene Nzambé anigôa éangô. Na môvo eetsô môgôô eesupua ébégô mbe môma angayavôga éôkô. Migôômie te mibaé ivô Gédidige gémeetsani te gévo. Na Gédidige sangô dôta géétsa gôndé môma môvo môgôôe wedi te gôéba gétsumé ngudi yaNzambé paga gô éne ényôngéô Nzambé éyanza. Na gôndé môvo, Gédidi géétsa môgôô enyangee éédôngéda abeeyi. Gédidi SaNzambé géétsa dôta môma môvo ôtômu gôéyanza mabégô mamisôba manyônganéôni matsapéô môma masoongôa angô énigôa. Na géétsa gôndé môvo gôépandôéda ndongi diviga gôndé Nzambé. Môvo dôta eetsô môgôô gôésevoa va gatse édidie mbe egé te gébévani na egé te SaNzambé. Môvo eetsô môgôô gôévovo waanga ôgi ôsiikédu angô. Môvo eetsô môgôô eodo gôékoa mane mavovo môkedi mbe éngookanô gô éongo éedi.

Migôômie mietso mine miétsô te na Gédidi gévo te géne SaNzambé. Gékaba miangô ôvo ôvo géenza, ganyôngéô amuene Gédidi.

Vane ôtô ôsaba na tatô. Na éeme éetso ékenanea anguene n’anguene.

Gôndéké minongo na minongo miamigôô miétsa Nzambé wa n’anyô. Na tômidiia gô Gédidi gévo, te géne saNzambé. Gôndéké minongo na minongo gôndé wa n’anyô gôéyanzéa Nzambé ivô Kumune éyanziôni te épo, te Kumu Jésus. Na gôndéké ésima éyékani éamisôba ébumba Nzambé gô môtéma amôma, na Nzambéne éne te épo.

Vane tôena mônongovo gamakônza Nzambé mbumune yedi. Amapanga te ane amasevouni na amatômukuni na Jésus. Va ngimaô te apandôédi andongi yedi. Na va ngimaô te eekédi. Na vane te ane atubéda émbégéa éangudi yaNzambé gô mabégô mamisôba manyônganéôni matsapéô môma masoongôa angô énigôa. Va mbene vane te ane andé na ngudi yeedôngéda abeeyi, na ane awedéa akaô, na étômbiatômbia, na ane avovo waanga ôgi ôsiikédu angô.

Otô amôma ôsaba géeme gévo gétévo. Ondéké na éeme éyekani.

Nômenya mbe évo éeme ésaba na tsoongo, tambô éangô édôngéda ôtôe wetso.

Otôe wetso mbe te éso étévo ?ôngookô nzongodi nayee? Otôe wetso mbe te éatô étévo ?ôngookô mbônga nayee? Menyami mbe Nzambé amakaba éeme éetso g’ôtô te gamanyôngéô amuene. Môma mbe andé na géeme gévo, mbe gôsaba ôtô.