ខគម្ពីរពេញនិយមពី Hakaroma 2

ចែក​រំលែក

Ene munu we, owe ghuna kutetera ndhango hayendhoye wa hana kutenda kemo, oku nowe pakuyitenda ghothinda. Ghuna kughayara eshi we ne, mbo ghuna shwagha mundhango dhaNyambi dhishokuru ndi? Nyambi ne mutungi mughunongo, mumathigherero no mughudhughutjima! Eyi ne mbadi yina kukukwata kumutjima ndi? Endi mbadi ghuna kudimuka eshi Nyambi ne gha haka kukutwara kumapirukero paghunongo wendi?

Yodigho kukoye ghomunu mbadiko mathigherero. Koye we munu ghokutetera ndhango hamweya, ghu kare yowe dye ngambi yowe thinye. Pakutetera ndhango ghumweya, dimuke vene ghothinda eshi yowe ghuna kukutetera ndhango. Yoyishi owe mukakutetera ndhango, nowe ghothinda yo wa tenda yoyo.

Nyambi ne mbadiko yu gha torora kughutho.

Ene kadi hakakuyuva muragho wo hahunga pithawo kwaNyambi, ene wa ha rughanitha muragho wo mbo ha wa hungeka.

Aye mbo ghana ruwera kehe yu popayitenda yendi.

Ene kwawa ha karire ghuthururu no kupira ghutawedhi, kate wa tawire ghushemwa kughuyi, mbo ghana wa humbitha mughupata wendi.

Ene paghukukutu ghoye nomutjima ghoye ghokudhira kupiruka. Po ghuna kukukongwedhera mahumbithero ghothinda, mudiyuwa dyoghughandhi apa mbo gha tetera Nyambi thinda ndhango dhendi dhoghuhunga.