ខគម្ពីរពេញនិយមពី Bičepangre 25

ចែក​រំលែក

O Festo ačas orhta divessa an o foro Yerusalem. Pal kova djas lo pale an o foro Cesarea. O vavar dives beshas pes lo ap ko beshepaskro, kay o čačepaskro ray beshdo hi, oun moukas o Paules glan peste te vell. Har o Paulo glan leste vas, his troul leste kol tsele bibolde tardo, kay dran o foro Yerusalem van. Kolla anan boud čilačo koova glan, hoy yob krals. Oun kek nay penas, kay o Paulo kova čačepah kras.

O Paulo moukas kova gar ap peste, oun penas: “Me krom či, hoy pal o biboldengro čačepen čilačo hi. Oun me krom gar o Debleskro baro kheer praasedo. Oun me penom kek čilačo koova pral o baro rayeste an o foro Rom.”