ខគម្ពីរពេញនិយមពី Bičepangre 2

ចែក​រំលែក

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Ap yek kopo phourdas i zorelo oun divyo dourho dran o bolepen an ko tselo kheer, kay yon khetne his. Koy dikan le čomone, hoy hi har yagakre čipya. Oun ap hakeneste čivas pes yek čip. Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar. Yon sharan o Debles, oun i tsele menshe dikan lačes ap lende. Oun hako dives van vavar menshe koy pashel, hoy patslo van.

Ko tsiro vella, penell o Devel, kay me čivau miro Debleskro Dourho ap i tsele menshende. Oun t'mare čave oun ča dikenn nay glan-vi, hoy vella. Oun i terne morsha dikenn kova, hoy o Devel len sikrell, oun i phoure morsha denn souni.

Kolla, kay patslo van, ačan lauter khetne. Oun yon čivan pengro tselo bravlepen khetne, oun kova his lauterenge koy. Yon bikran kova, hoy len his, i kotar phoub oun vavar kouč koova, oun dan les kol patslende, kay len či his.

Oun koon ap leste gole della, koles lell lo dran o čilačepen oun o merepen vin.

O kham vell kalo, oun o čon vell lolo har o rat. Koy djinenn t'mer, te vell ko baro dives sik, kay vell o ray Yezous pale.