ខគម្ពីរពេញនិយមពី Romanos 5

ចែក​រំលែក

Ba'ale' Jajal Diose' cu ye'esic to'on tu jaajil u yaabilbtmajo'on iquil quíimic Cristo t o'olal quex láili' j kebano'on ca'ache'.

Le alab óolala' ma' tu p'atico'on kaasil, tumen Jajal Diose' dzo'oc u chupic c pucsi'ikal yéetel u yaacunaj tu yo'olal Quili'ich Pixan dzo'oc u dzáic ti' to'ono'.

Ma' chéen lela', ba'ale' bey xan cu qui'imacchajal c óol ti' le mukyajo'; tumen c ojele' le mukyajo' cu dzaíc to'on chuca'an óolal, yéetel le chuca'an óolalo' cu beetic c ka'amal ma'alob, yéetel le quéen ka'amaco'on ma'alobe' yaan to'on alab óolal.

Bey túuno', cu dzo'ocol c dza'abal ma'alob tu táan Jajal Dios tu yo'olal ocsaj óolale', yaan to'on jéedzel yéetel Jajal Dios tu yo'olal c Yuumtzil Jesucristo. Tumen tu yo'olal Cristoe' dzo'oc c ocol ti' le siibal utzila' tu yo'olal le ocsaj óolalo'. Ti' le siibal utzila' jeedzel anilo'on yéetel cu qui'imacchajal c óol ti' u alab óolalil u nojbe'enil Junab Jajal Dios.

Tumen le ca'ach ma' tu páajtal c toquicbáa ti' le kebano', Cristoe' jach tu kiinile' j quíim tu y o'olal le j kasa'ano'obo'.

Ba'ale' tumen dzo'oc c dza'abal ma'alob tu táan Jajal Dios tu yo'olal quíimic Cristoe', tu jaajile' yaan c to'ocol ti' le dzooc jaadzo' tu yo'olal leti'.

U káat u ya'ale', tu yo'olal u ma' u'uyaj t'aanil jun túul máaque' ya'ab beeta'abo'ob j kebano'obi'; ba'ale' queet yéetel lela', tu yo'olal u yu'ubaj t'aanil jun túul máaque', ya'ab cun dzaabilti'ob ma'alob tu táan Jajal Diosi.

Ma' chéen lela', ba'ale' bey xan cu qui'imacchajal c óol ti' Jajal Dios tu yo'olal c Yuumtzil Jesucristo, tumen tu yo'olal Cristoe' dzo'oc u yantal to'on jéedzel yéetel Jajal Dios.