ខគម្ពីរពេញនិយមពី Marcu 13

ចែក​រំលែក

Voi va s-hits aurats di tuts trã itia a numãljei a mea, ma atsel tsi va s-aravdã pãnã tu soni, va s-hibã ascãpat.”

Bãgats minti, s-hits dishtiptats shi rugats-vã, cã nu shtits cãndu va s-hibã oara.

Cãndu va vã ducã s-vã prida, s-nu avets gaile di ma nãinti trã atsea tsi prindi s-dzãtsets shi s-nu minduits tsiva. Dzãtsets tsi vã yini tu minti tu oara atsea, cã nu hits voi tsi grits ma easti Duhlu Sãmtu.

Tserlu sh-loclu va s-treacã, ma zboarili a meali nu va s-treacã.”

“Cãt di atsea dzuã sh-di atsea oarã, vãrã nu shtii, nitsi anghilji dit tser, nitsi Hiljilu, ma mash Tatãl.

Ma cãndu s-avdzãts si zburãscu di alumti sh-di hãbãri di alumti, nu vã tulburats, cã aesti lucri prindi si s-adarã, ma nu va s-hibã bitisita.

Trã atsea stats dishtiptat, cã nu shtits cãndu va s-yinã domnul ali casi, seara ma njeadzã-noapti, cãndu cãnti cucotulu, ama dimineatsa, tsi turnãnda niashtãptat, s-nu vã aflã tu somnu. Tora, aestã tsi vã dzãc a voauã, lã-u dzãc a tutulor: S-hits dishtiptat!”

Va sã scoalã natsiunea contra a natsiuniljei, amirãriljea contra a amirãriljei, va s-facã tulburãri pri multi locuri, va s-aibã foami di pãni sh-mintituri. Atseli lucri va s-hibã ahurihirea a durerilor di amintari.

Ma, ma nãinti prindi tsi s-hibã predicatã evanghelu la tuts oaminjili.

Cã va yinã multsã pi numa a mea dzãcãnda: ‘Mini escu Hristolu.’ Sh-va si s-arãdã multsã oaminji.

Cãshtigats-vã ti bana a voastrã! Cã va vã prida la giudicãtorlji sh-va vã batã tu sinagogã. Va vã scoatã nãintea a guvernatorilor shi a amiradzlor trã itia a mea tsi s-mãrtirsits nãintea a lor.

Cã va s-easã hristoshi arãdioshi sh-prufits arãdioshi tsi va s-facã seamni shi thavmati tsi s-arãdã, ma s-poatã sh-aleptsãlji.

“Tu atseali dzãli, dupã munduirea atsea, soarili va si scutidiseascã sh-luna nu va s-da lunjina a ljei. Stealili a tserlui va s-cadã sh-puterili di tu tseruri va s-trundueascã.