ខគម្ពីរពេញនិយមពី युहन्‍ना 12

ចែក​រំលែក

यगर कुनहुँ मोर सेवा करे चाहतइ जउँ उअ मोर पाछा लगिय हसे मुइ जहवाँ रहबहिँ, मोर सेवक फेनि वहवाँहिँ रहबिय। यगर कुनहुँ मोर सेवा करतइ जउँ पिता वकरके यादर करबसि।

जुने यापन जिवनके माया करबिय उअ यापन जिवन गुमोबिय। बाकि जुने इअ संसारमा यापन जिवनके तुच्‍छ सोचबिय उअ परमेस्‍वरसाङे सबदिन रहना जिवनक तहिँया यापन जिवन सुरछित रखबिय।

मुइ तोहराके सदियो कहइ बडहिँ, जखनिलइ गोहुँवाक दनवा मटियामा परके नाहिँ मरबिय, उअ यसकरे रहबिय। बाकि यगर उअ मरबिय जउँ, उअ बहुत यन्‍न उब्‍जोबिय।

मुइ संसारमा ज्‍योति भके याइल बडहिँ, ताकि मोरमा विस्‍वास करलहरा कुनहुँ फेनि यन्‍हारमा झिन रहइ।

“यगर कुनहुँ मोर कहलि बतवा सुनतइ हसे उअ पालन नाहिँ करतइ, मुइ वकर न्‍याय नाहिँ करबहिँ। केहकेकि मुइ संसारके न्‍याय करे हइने याइल बडहिँ, बाकि संसारके बचावेके तहिँया याइल बडहिँ।

तखनहिँ मरियम लगभग याधा लिटर बहुत मोल परना बसान तेल यानके येसुजिक पाउमा लगादेलिय हसे यापन केसवासे पोछदेलिय। उअ तेलवाक बसानिसे घरवा भरलइ।

हुनुका खजुरक डार लेके हुनेके स्‍वागत करेके तहिँया चिलइते निकडलइ, “होसन्‍ना! प्रभु परमेस्‍वरक नाउँमा यलहरवा धन्यक बडसि! इस्राएलक राजा धन्‍यक बडसि!”

येसुजि हुनुकाके जवाफ देते कहलसि, “मन्‍सेक पुतरक महिमा परकट हखेके जुन यासकल बडइ।