ខគម្ពីរពេញនិយមពី Varoma 8

ចែក​រំលែក

Nesu tinoziva kuti zvese zvinoshanda pamwepo kuyita zvakanaka kwavari vanomuda Mwari, kwavari vakadanijwa kudari ngo kuemesa kwake.

Ngokuti ndinoongwa kuti zvese, kufa, nokuti kupona, nokuti ngirosi, nokuti umambo, nokuti zviri pano, nokuti zvinoviya, nokuti zvino simba, nokuti urebu, nokuti kujika, nokuti chiro chimweni chakasikwa, achingakoni kutiparajanisa no rudo rwa Mwari ruri kuna Kristu Jesu Mambo wedu.

Ngokudarozve Mweya unobesera kurembejeka kwedu; ngokuti atizivi njira inosisira kuti tikumbire ndiyo, asi Mweya wambhwine unotiitira samukuru ngo kugomera kusikabviri kunanga.

Ndizvo tinozopingurenyi kuno izvi? Kudari Mwari echitirwira, ndiyani unozorwisana nesu?

Ndizvo akuchina kuitihwa ndava kwavari vari kuna Kristu Jesu, vasikafambi ngo zvo nyama, asi ngo zvo Mweya.

Ngokuti kuva no mupinimijo wo zvo nyama kuri kufa, asi kuva no mupinimijo wo zvo Mweya kuri kupona no kunyarara.

Haiwa, ku izvi zvese tiri vanopinda vanyisi ndiye wakatida.

Ngokuti tinoverenga kuti matambujiko o mukuvo uno aasisiri kuezaniswa no uthende uhwo hunozopangijihwa kwetiri.

Ndiyani unozotiparajanisa no rudo rwa Kristu? Kutambujika here, nokuti kurwajihwa, nokuti kutambujwa, nokuti njara, nokuti kutama zvokusimira, nokuti ngozi, nokuti shoti?

No uwo unoringisisa mwoyo unoziva chiri kuda kwo Mweya, ngokuti unoyita samukuru ngo ndava yo vakacheneswa kudari ngo kuda kwa Mwari.

Ngokuti vese vanotungamirihwa ndi Mweya wa Mwari vari vana va Mwari.

Ngokuti avo vari vo nyama, vanomupinimijo wokuda zviro zvo nyama. Asi avo vari vo Mweya, vanomupinimijo wokuda zviro zvo Mweya.

Iye usikazivi kutirambira no Mwana wake, asi wakamupa ngo ndava yedu tese, inozoita njira yakaitawani kukura yaanozotipa pamwepo naye ngo nyasha zviro zvese?

Ngokuti Mweya wambhwine unoitira chapupu pamwepo no mweya wedu kuti isisu tiri vana va Mwari. Kudari tiri vana, tiri avozve vanogara ndhaka; vanogara ndhaka ya Mwari, naavo vanogara ndhaka pamwepo na Kristu, kudari techitambujwa pamwepo naye, kwokuti tikujwe pamwepo naye.

Ngokuti mupinimijo wo zvo nyama kuri kuambana na Mwari; ngokuti aupfaviri mupango wa Mwari, zve, ngo gwinyiso aungazvipfaviri

Ngokuti ngokuemurira kakurutu zvakasikwa zvinogarira kupangijihwa kwo vana va Mwari.

Ngokuti tinoziva kuti zvakasikwa zvese zvinondogomera pamwepo mukuhwajihwa kudari ngo kubara mbhera nazvino.