ខគម្ពីរពេញនិយមពី Varoma 6

ចែក​រំលែក

Ngokuti musharo wo kushaisha uri kufa; asi chipuwo cho nyasha ya Mwari chiri kupona kusikaperi ndiye Jesu Kristu Mambo wedu.

Ngokuti kushaisha akuzotongi panyezuru penyu akadi: Ngokuti imwimwi amuri pasi po mipango, asi pasi po nyasha.

Ndizvo takavigwa pamwepo naye ngo kubhapatiswa mukufa. Kuti kudari ndi Kristu wakamuswa kwo vakafa ngo uthende hwa Baba, ngokudaro isisuvo tifambe mukupona kupsha.

Zve, musapa zvo miviri yenyu kuno kushaisha, kuyita mijiyo inoshandiswa kuyita zvisikazivi kururama; asi jipirenyi kuna Mwari kudari ndivo vakapona kubva kwo vakafa, no zvo miviri yenyu kuti zviite zvo kushanda zvo kururama kuna Mwari.

Techiziva ichi, kuti mundhu wedu wokare wakakohomehwa pamwepo naye, kuti muviri wo kushaisha upere, kwokuti isisu tisachazoita varanda vokushaisha.

Ndizvo ngokudaro mwechijiverenga nemwi kuti muri vakafa kwo kushaisha, asi kuti muri vanopona kuna Mwari ndiye Kristu Jesu.

Ndizvo tinonangenyi? Tondogara mukushaisha here kuti nyasha jiwandiswe? Haiwa! Isisu tiri vakafa kwo kushaisha, tingachayita maponerenyi mukati mwazvo?

Amuzivi here, kuti kuno uwo wo munojikova kwaari kuyita varanda kupurutana, muri varanda vake uwo wo munopurutana; pikija wo kushaisha kuyita kufa, nokuti vokupurutana kuyita kururama?

Asi ngaabongwe Mwari kuti pikija mwaiya varanda vokushaisha, mwakapurukira ngo mwoyo kuno muemo wo kujijiswa ukwo kwakapiwa kwomuri. Mwechisununguhwa kubva kwo kushaisha, mwakaita varanda vo kururama.