ខគម្ពីរពេញនិយមពី Zvakayitwa ngo Vapostori 2

ចែក​រំលែក

Na Pedru wakati kwavari: “Tenderukanyi, umwe ngaumwe wenyu, mubhapatiswe mwese ngo zina ra Jesu Kristu, ngo ndava yo kuregerehwa kwo zvishaishi zvenyu, nemwi munozoashira chipuwo cho Mweya Wakachena.

Navo vakavangirira kungwarira zvijijiso zvo vapostori, no kuiyana, mukugura chimanda, no mukukumbira.

Navo vese vakazariswa ndi Mweya Wakachena, vakatanga kuvereketa ngo ndimi jimweni, kudari ngo zvaakapa Mweya kwavari kuti vaverekete.

Paripo rakaguma kubva mu denga bope rakadari ngo kuvhuvhutha kwo dutu rine simba, naro rakazarisa nyumba yese apo po vayigara. Kwakavoneka kwavari ndimi, jakadari ngo muriro, jakajiparajanisa pakati pavo; jikagara panyezuru pavo vese. Navo vese vakazariswa ndi Mweya Wakachena, vakatanga kuvereketa ngo ndimi jimweni, kudari ngo zvaakapa Mweya kwavari kuti vaverekete.

Navo zuva ngo zuva vakagara pamwepo ngo chisungo chimwe mu themperi, vechigura chimanda kumakanyi avo, vakaha ngo kudakara na ngo mwoyo wo kuzwana, vechikuja Mwari, vechidikanwa ngo vandhu vese. Na Mambo wakanyengejera kwavari zuva ngo zuva avo vayiponeswa.

Mwari unoti, kunozoitika ngo mazuva okupejisira kuti ndinozodurura Mweya wangu panyezuru po vandhu vese; no vana venyu vo rume no vo kaji vanozoprofeta, no majaha enyu anozovona zvivoniso, no harahwa jenyu jinozorota hope.

Navo vese vakatenda vayiva pamwepo, no zviro zvavo vakazviita muhengo pamwepo; navo vakatengesa upfumi hwavo, no mujiyo javo, vakazvikovanisira kwavari vese kudari ngo kutama kwo mundhu.

Kunozoitika kuti pikija ndiyani unozokumbira ngo zina ra Mambo unozoponeswa.

Zuva rinozotsandujwa kuyita chidima, no mweji kuyita ngazi, risati raguma zuva guru, no rine mbiri ra Mambo.