ខគម្ពីរពេញនិយមពី SAN MATEO 24

ចែក​រំលែក

Tz̈ꞌiynen tjaw tz̈ꞌiy il twitz txꞌotxꞌ, bix juꞌ tzunj, nim xjal miꞌn tzꞌoctl cyakꞌ ke cyuya cye. Pero alcyej xjal min xcyaj cyeꞌyente weya hasta ojxe tcyim, ccleteltzen tuꞌn Dios.

Jbaꞌn tpocbal tcawbil Dios cxeꞌl pocbet tuj cykilca twitz txꞌotxꞌ, tuꞌntzen cybinte cykilca wik xjal tyol Dios. Bix oj tbint lu, tzultzen mancꞌbil kꞌij.

Cxeꞌl cybiꞌna nbajtl kꞌoj tuj ttanema bix jakꞌch tumel. Pero miꞌn chi jaw seyꞌpaja, cuma il tiꞌj at kꞌoj te mitknaꞌx wula. Pero kej kꞌoj lu yaaꞌnja te yecꞌbil chꞌixcꞌa tpon mancꞌbil kꞌij.

Cyuj jkꞌij chi ul, chi jawel nmak tnom te kꞌojlel cyuya juntl nmak tnom, bix juꞌ pjel tuj cykilca twitz txꞌotxꞌ. Bix tzul nim weyaj tuj nim lugar twitz txꞌotxꞌ. Bix nuk jakꞌch qꞌuiyela xcyaklajnab. Pero kej tchiyonel lu nuk chꞌin teja cywitzj qꞌuixcꞌaj nim tzul mas yaj oj tul mancꞌbil kꞌij.

Il tiꞌj juꞌ pjela. Te cyaꞌj bix te twitz txꞌotxꞌ cwel xitj, pero ke weya nyol, mlay baj twiꞌ.

Cyuj jkꞌij chi ul, tzul nim xjal te kbalte ka ejeeꞌ Scyꞌoꞌn tuꞌn Dios te clol xjal, bix cwel cysbuꞌn nim xjal.

Cyuj kꞌij chi ul, chi xeꞌl kꞌoꞌna tuj cykꞌab cawel, bix chi yasjela cyuꞌn, bix chi cwel byoꞌna cyuꞌn. Bix chi elel iiqꞌuena tuj cykilca tnom tuꞌnj lepcheckey wiꞌja. Tuꞌn tlaj qꞌuixcꞌaj lu, nim xjal cyjel cykꞌoꞌn cyocslabl wiꞌja, bix cxeꞌl cyqꞌueyen ke ocslal tuj cykꞌab aj kꞌoj wiꞌja, bix qꞌuelel cyiiqꞌuen cyiib. Chi ul nim xjal tzin cykbaꞌn ka tyolel Dioske, pero nuk tenx cyuꞌn, bix nim xjal chi tzpetel cyuꞌn.

Bix aj ttzakꞌbeꞌnxin: —Cycꞌojlam cyiiba cywitz kej xjal chi ul tzpetsal cyey.

Jax juꞌx cyey, cykil hora cyitzꞌlem cyiiba, cuma chin ul meltzꞌaja tuj jun kꞌij min nayona tiꞌj, inayena, Jsmaꞌn tuꞌn Dios tuꞌn ntena cyuya xjal.

Juꞌ tzunj, cuma min cytzkiꞌna jtoj chin ula, inayena Cyaawa, cycꞌojlam cyiiba tuꞌntzen binne cytena.

Yaltzen tej tuꞌn alcye kꞌij bix niyꞌ hora oj wula, min-al ebilte. Mitetpe ejeeꞌ tsanjel Dios tuj cyaꞌj itzkilte, bix mitetpe inayena. Nukxix ja te Nmana itzkilte niyꞌ hora pjel jlu.

cuma tzultzen nim xjal ẍtakꞌ kbalte ka ejeeꞌ Scyꞌoꞌn tuꞌn Dios te cawel, bix tzul xjal ẍtakꞌel ka ejeeꞌ tyolel Dios. Ejeeꞌ tzunj xjal lu chi cwel binchante jawnex techel bix nuk tikꞌch cbinel cyuꞌn tuya cyipemal, tuꞌntzen cysbun ke xjal, bix chꞌinnchꞌe oj tcub sbuꞌn jun te Dios t-xjal.

Yal cyej xjal at twitz txꞌotxꞌ oj chꞌitk wul meltzꞌaja, min n-oc cycꞌuꞌj tiꞌj alcyej at tuꞌn tbaj, tisenx kej xjal e ten tuj ttyem Noé min oc cycꞌuꞌj tiꞌj alcyej at tuꞌn ttzaj cyibaj. Tuj kꞌij te mitknaꞌx tcub cycastiwa aꞌ cyibaj xjal, tej tjaw tz̈ꞌiy aꞌ, nuk ex cykꞌij nchi waaꞌn, nchi cꞌan, bix nchi maje, nuk cytenx. Pero nuk tisen tiiꞌ tej tpon jkꞌij tej cyocx Noé tuj barc. Min e cyocsla aj il ka at tuꞌn tcub jun castiwa cyibaj hasta tejxe ttzaj jun nintzaj jbal cyibaj, bix e baj cykilca xjal. Jax juꞌx nuk qꞌuelex cykꞌij xjal oj wul meltzꞌaja twitz txꞌotxꞌ juntl maj. Bix cwel castiwa cyibaj.