ខគម្ពីរពេញនិយមពី kurinṯuuz aṯ ṯaani 5

ចែក​រំលែក

ŋwu ṯaŋwu, kwere muŋw nani eḏi Kwruztu-na eṯuŋw ketene kwokwony kwiaŋ; rɔgwɽɔ ruɽun rimere kitay, izarṯi, kwizi kwumorɔ kwiaŋ.

Kwruztu kwiti kwilŋiica ŋikya ŋere mac, lakin keni na Allah ruzi ŋunduŋwu ŋikya ki ŋwobi ŋweri, mindaŋ ŋundu ŋgi er orə nyiŋa ṯofḏana ṯeḏi Allah.

kaka eṯi nyi gwu dirnaṯi ṯəmna ṯi, ner ere orɔ ŋizarzi mac.

ŋu tatap ner ila nani gwu Allah, wumuza Kwruztuŋw eḏəmiḏi nyuŋwuzi-na ŋundu gi, mindaŋ nuŋw inḏeḏa nyuŋwuzi ŋɔḏɽor ŋeḏi tamiḏana kḏu; ŋeni ŋu, Allah wumɔnani eḏi Kwruztu-na eḏi zi əmiḏina leḏi ṯurmun ŋundu gi, mindaŋ nuŋw zi ere eḏi zi ortutucina kwokwony mac ŋeṯir ŋi aki tay pir, nuŋw alliḏa nyuŋwuzi ṯugwori nana eḏi zi andazi ŋeḏi ṯamiḏana kḏu.

ṯaŋwu nyiŋa liri yafur yeḏi Kwruztu ki lobi luŋwun; Allah wiri wuturecazi lu ŋiɽaŋal ŋi ŋeri. nyiŋa liturecaŋazi lu tur, ki lobi leḏi Kwruztu, eḏamiḏina Allah yi.

nuŋw zi eyzi tatap, mindaŋ kla limiiḏu lir yaŋna er ere miiḏici rɔgwɽɔ reŋen kwokwony mac, lakin er miiḏici ŋunduŋwu ŋgwa kwumay ŋiɽaŋal ŋi ŋeŋen, na kwumer diɽi tɔk. ŋwu ṯaŋwu, na kirem eṯi nyi ere ecice kwizi kwere mac ŋizigwunaŋ ŋi domony; menyi ecice Kwruztuŋw kerreny kaka kwizigwunaŋ, eṯi nyi ere ecice ŋunduŋwu kwir ṯa ŋwu kwokwony mac.

kaka ur gwu ṯamɽa ṯeḏi Kwruztu ṯeṯinyji iili ki ṯay ṯutuput, kaka ilŋiiḏinyji gwu rac eḏaruŋw, kwumay kwete ki ŋwobi ŋweḏi lizi tatap; ŋwu ṯa ner ma ay tatap.