ខគម្ពីរពេញនិយមពី फिलिप्पियन 2

ចែក​រំលែក

खुदय के अच्छाई के निता कुछु झइ करा, बलुक नम्र बना अउ दूसर के अपन लग निक्खा समझा। तुम मसे हर अक झन केबल अपन भलाई के नेहको पय दूसर के भलाई के धियान रखा।

तुम्हर आदत ओसनेन होय चाही, जसना यीसु मसीह के रथै।

अपन चिन्ता ठीक ओसनेन रखा, जसना मसीह यीसु के रथै। पय अपन के असना सुन्न के, हरवाह के जसना रूप धारन करत, अउ मनसे के जसना हे हुइ गइस, अउ मनसे के सरीर हे परगट होयके, मसीह खुद के कोमर बनाय लइस अउ इहां तक आदेस के मानिस, कि अपन जीव तक के दइ दइस अउ उहो क्रूस हे।

काखे भगवान हबै, जिनही अपन सुइक्छा के निता तुम हे अभिलासा अउ काम करै का अउ दोनो बात के निता जोर डाले हबै।

इहैनिता भगवान उके ऊंच लग ऊंच जिघा हे उठाइस, अउ उके ऊ नाम दइस जउन सब नाम के उप्पर हबै। जेखर लग यीसु के नाम हे स्वरग, भुंइ अउ अधलोक के सगलू रहैबाले मनसे, घुटवा टेकहिन। अउ भगवान बाफ के महिमा के निता सगलू मनसे हइ स्वीकार करै, कि यीसु मसीह परभु हबै।

सगलू काम बेगैर कुडकुडाय के अउ बेगैर झगडा के करे करिहा। कि तुम हइ बुरी अउ भ्रस्ट पीढी हे भगवान के निरदोस टोरवा के रूप हे खुद के निस्कपट अउ निसपाप साबित के सका कि तुम हइ दुनिया हे जलत चिमनी के जसना चमकत दिखाई देथा।

हे पिरिया मोर भाई बेहन जउन मेर तुम हरमेसा मोर बात मानत हबा, उहै मेर अब मोर उपस्थिति लग जादा मोर अनुपस्थिति हे अउ जादा खुसी लग तुम डरत कापत अपन मुकति के काम हे लगे रहा।