ខគម្ពីរពេញនិយមពី Лука 6

ចែក​រំលែក

Максодо – ды тыненккак максови Пазонь пельде пешксе онкссо: эцезь, матразь ды пряс пештязь онкссо Сон каи тынк панар элезэнк. Кодамо онкссо онкстатадо, истямосо тыненккак онкстазь ули».

Вадря ломанесь эсензэ седей потмонь сюпавчистэнть ливтни паро; берянь ломанесь эсензэ седей потсто ливтни апаро. Мезде ломаненть пештязь седеезэ, се лисни сонзэ кургстояк».

Тынь тееде мекевланк: вечкеде эсенк душмантнэнь, тееде паро, макснеде долкс сень, мезе вешить, ды илядо учо мекев пандома. Сестэ тыненк ули сюпавдояк сюпавсто пандозь ды тынь алкукс ультядо эйдекс Верепазонтень, конась чевте седей паронь стувтыцятнень туртовгак ды зыянонь теицятнень туртовгак.

Уледе истямо седеймарицякс, кодамо седеймариця тынк Тетясь».

«Илядо судя лиятнень – ды тынккак Пазось а судятадызь. Илядо чумондо киньгак – ды тынккак Сон а чумондтадызь. Олякстомтодо чумосто – ды Сонгак тынк чумосто олякстомтадызь.

«Тыненк жо, кить Монь кунсолыть, кортан: вечкеде эсенк душмантнэнь, тееде паро сетненень, конат тынк лангс кирдить кеж. Чанстядо сетнень, конат сюдыть эйсэнк, ды ознодо сетнень кисэ, конат тынк покордыть.

Тееде ломантнень туртов ансяк сень, мезе тынк меленк коряс, эряви теемс тенст эсенк туртов.

Бути кие риштятанзат чамаумарь ланга, – аравтык омбоцентькак. Ланга оршамопелень нельгицянтень максык алга панароткак. Эрьвантень, кие тонь кедьстэ веши, макст. Ды бути кие сайсы мезентькак тонь кедьстэ, иля веше мекев.

«А эрси паро чувто, кона максоволь берянь умарть, ды а эрси берянь чувто, кона максоволь паро умарть.

Эрьва чувтось содави умарензэ кувалт. Эдь кодоркс куракшсто а кочксить инжирт ды пурьгине палакссто а сезнекшнить винаумарть.