ខគម្ពីរពេញនិយមពី རོ་མི། 2

ចែក​រំលែក

དབའི་སོ་ངོ་བ་ ན་ཤི་བཱརའ་ག་ཅོན་ཏག༌ལ། དག་པ་ཀབ་ཉི་ ནའི་ཏེན་གི་བུ་ རོག་ཏེ་བ་ད་བུ་རང་ཨ་ན། ཧང་ན་ཤི་ དཀོན་མཆོག་ག་ཁྲིམས་གེ་ གཱན་ཐར་བེ་དག་ཉི་ མི་ན་སྨོ། ཡང་ན་ལ་ དཀོན་མཆོག་གི་ ན་ཧ་གནམ་མེད་ས་མེད་ བྱམས་པར་ཀེ་ཉི་ བཟོད་པར་སྒོམ་ཉི་ ཐེས་ཉི་བཞུགས་པ་ག་ ན་ཤི་སེ་ལུ་མ་ལ་སྨོ། ལག་ཏང་ ན་ཤི་ཧང་ཨ་ཉི་ ཡེ་དང་ཨན་ཅ་ཡ། ན་ཧ་བ་ སྡིག་པ་གེ་ལོག་ཅེན་དག་པ་གི་ དཀོན་མཆོག་གི་ ན་ཧ་ཏཱན་ བྱམས་པར་ཀེ་ཉི་གནང་ཁཱན་ཁེ་པ་ ན་ཤི་ཧ་གོ་ལུ་མ་ལ་སྨོ།

ཨོ་ཉི་ཨ་དེན་གེ་ བཱརའ་ག་ ཅོན་ཏག་ཁཱན་སོ་ངོ་བ་ ནའི་ཨི་བི་རང་གི་ནེ་བུ་ དོས་ཏག་པེ་མཱན༌ཅ། ཧང་ཡ་དག་ནེ་ལ་ ན་ཤི་བཱརའ་ག་ཅོན་ཏག་ཉི་ ནའི་ཏེན་ག་ཅོན་ཏག་ཅ་གི༌ལ། ཧང་ཡ་དག་ནེ་ལ་ ཅོན་ཏག་ཁཱན་ ནའི་དྲང་དཔོན་བ་ཀི་བུ་ རོག་ཏེ་བ་ད་བུ་རང་ཨ་ན།

ཧང་ཡ་དག་ནེ་ལ་ དཀོན་མཆོག་གི་ ཉེ་རིང་ཆི་ལུ་མཱན༌ཅ།

བཀའ་ཁྲིམས་ ན་ཐ་ཝ་ཐུར་གི་ དཀོན་མཆོག་ག་སྤྱན་ག་ དྲང་པུ་ཅོད་ཅ་མང་གི། དག་པ་ཀབ་ཉི་ བཀའ་ཁྲིམས་ག་ ཆ་གནས་ཐ་ཁཱན་བ་ཤ་ དྲང་པུ་ཨ་ཉི་ཆིན་མེ་གི༌ལ།

སོ་ངོ་ཐམས་ཅན་ག་ རང་རང་ས་ལའི་དང་ཏུ་ཉི་ ཁྲིམས་ཅཱད་ཉི་གནང༌མེ།

དག་པ་ཀབ་ཉི་ རང་ཏེན་ག་དེན་གེ་ཤ་མི་ཉི་ དེན་པ་ག་ཆ་གནས་མ་ཐ་ལཱན་ ངན་པ་ལམ་གེ་དང་ཁཱན་ སོ་ངོ་བ་ཀབ་ཉི་ དཀོན་མཆོག་ དགོངསམ་ཁྲེལ་ཉི་ རོག་ཏེ་བ་ཀ་ ཁྲིམས་ཀེ་ཉི་གནང༌མེ།

དག་པ་ཀབ་ཉི་ ན་ཧ་སེམས་ཤོ་ ཀག་ཏར་དང་ལུང་ཏོང་རི་ཉི་ དཀོན་མཆོག་ག་ཏཱན་ ལོག་པེ་ན་ལུ་མ༌ལ། ཨོ་ཉི་ཨ་དེན་གེ་ ན་ཤི་ ནའི་ཏེན་ག་ཐུང་ཀ་ ཁྲིམས་སག་ཉི་ཐ་ན། ཨོ་ཉ་དགོངསམ་ཁྲེལ་པེ་ནོང་ཀ་ ཁྲིམས་ཐྲང་ཉི་གནང་ཁཱན་ དཀོན་མཆོག་གི་