ខគម្ពីរពេញនិយមពី མར་ཀུས། 2

ចែក​រំលែក

རོག་ཏེ་བ་ཀི་ ཡེག་ཁཱན་ག་ སྙན་གསེང་ཉི་ ཡི་ཤུ་གི་གསུངས་མ་ལ་ ན་ཚ་ཆོ་ཁཱན་བ་ཀ་ཤ་ དྲུང་འཚོ་ཚཱས་ཅ་མ་ཏོག་པ་ ན་ཚ་མ་ཁཱན་བ་ཀབ་ཉི་ དྲུང་འཚོ་ག་ལའི་ ཧང་རང་མཱན༌ཅ། ཇང་ཤོ་ སོ་ངོ་དྲང་པུ་ཆོ་ཁཱན་བ་ ར་ལེ་དེན་གེ་མང་གི་ཝ་ སྡིག་ཅན་བ་ཀ་དེན་གེ་ ཨོ་ཕ་གི་ལ་ན་དག༌ཉི༎

རོག་ཏེ་བ་ཀ་དད་པ་ ཧབ་ཏུར་ཅ་གི་ལ་སྨོ་ ཡི་ཤུ་གི་མཁྱེན་ཉི་ ཨོ་ཉ་དང་མེ་མར་ཁཱན་སོ་ངོ་ག་ གསུངས་མ་ལ་ ཇ་ག་ཟ་ ན་ག་སྡིག་པ་བ་ བཀའ་དྲིན་བསྐྱང་མ་ན་དག༌ཉི།

ཉི་རོ་ཀི་གསུངས་མ་ལ་ དུས་བཟང་ཤོ་ སོ་ངོ་ག་དེན་གེ་ ཅོད་པ་མ་ཏོག་པ་ སོ་ངོ་ཤོ་ དུས་བཟང་ག་དེན་གེ་ བཀོད་པ་མང་གི་ན་དག༌ཉི།

ཉི་སོ་ངོ་མང་པུ་ ཛོ་མ་ཨ་དེན་གེ་ རོག་ཏེ་བ་ཀ་ནཱད་པ་ ཡི་ཤུ་ག་སྐུན་མདུན་ག་ ཤེག་པེ་མར་བ༌ལ། ཉི་རོག་ཏེ་བ་ཀི་ ཐོ་ལ་ཕའི་ཐུང་ཀ་དི་ཉི་ ཡི་ཤུ་བཞུགས་ས་དོབ་ཏང་ག་ ཕའི་བུག་ནང་ཆོག་ཐཱན་ ཨོ་ཉ་དང་མེ་མར་ཁཱན་ སོ་ངོ་ཁེ་པ་ རོག་བང་ཉི་ཕ་ཁཱན་ ཅ་ཀབ་ཉི་རང་ ག་གེ་དོང་ཏ་རིང་མ༌ལ།

སོ་ངོ་ག་ཟ་གི་ ཐ་འཛམ་གླིང་ག་ སྡིག་པ་བཀའ་དྲིན་བསྐྱང་མེ་ག་ དབང་ཚད་ཅ་དག་ཉི་ ཁུངས་ཀེ་བེ་དེན་གེ་ ཨོ་ཐ་དང་མེ་མར་ཁཱན་ སོ་ངོ་ཁེ་པ་ དྲག་ཉི་བི་ལེ་ན་དག་ཉི་ གསུངས་ཐཱན་ ཨོ་ཉ་དང་མེ་མར་ཁཱན་ སོ་ངོ་ག་གསུངས་མ་ལ་ ཨོམ་ནཱན་དྲག༌པ། ག་ཐིང་ཐཱན་ ན་ག་ཏཱན་བང་བུ་ཉི་ ཕའི་ག་ཇོང་ཤོ་དག༌ཉི།

ཧང་ན་ཤི་ གོད་པ་ཀབ་ཉི་ ཇི་གི་ ཨོ་ཐ་དང་མེ་མར་ཁཱན་ སོ་ངོ་ཁེ་པ་དྲག་ཉི་ དང་མེ་རེ་བ་ཅོད་པ་གེ་ཏ་ སྡིག་པ་བཀའ་དྲིན་བསྐྱང་མ་དག་ཉི་ ཡེག་པེ་ག་ ཡ་ལུ་ད་བུ་ཐོང་ལ་སྨོ།

ཉི་རོག་ཏེ་བ་ གོད་ཉི་ཆོ་ལ་རང་ ཨོ་ཉ་དང་མེ་མར་ཁཱན་ སོ་ངོ་གི་ རོ་ཀ་ཏཱན་བང་བུ་ཉི་ ཕའི་ག་ཇོང་ཐ་ཝ༌ལ། ཉི་རོག་ཏེ་བ་ ཐམས་ཅན་རང་ ཡིད་ཆི་ཉི་ དཀོན་མཆོག་ག་ བསྟོད་པ་ཕུལ་ཉི་ ཞུ་ཝ་ལ་ ཨ་ཤི་ཨུ་ཐུ་ད་བུ་ ཧ་ལ་རང་ མ་མཇལ་ཤི་དག༌ཉི༎