ខគម្ពីរពេញនិយមពី ᤋᤥᤗᤡᤱᤛᤥᤔᤢ 13

ចែក​រំលែក

ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤏᤡᤛᤢᤒᤠ ᤁᤧᤖᤧᤰ ᤋᤧᤴᤜᤠ᤹ ᤂᤧᤏᤧ᤹ ᤏᤢ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤛᤍᤠᤍᤡᤱᤗᤧ ᤗᤠᤃᤡ ᤐᤡᤏᤡᤱ॥

ᤗᤢᤋᤧᤴ ᤛᤧᤴᤍᤧᤒᤣᤀᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤀᤒᤪᤠᤶᤔᤡᤴ ᤔᤧᤳᤋᤢ. “ᤂᤧᤏᤧ᤹ ᤁᤧᤕᤧᤵᤐᤠ ᤋᤧᤴᤏᤥᤗᤠᤶ ᤁᤧᤔᤡᤰᤁᤡᤴ ᤜᤡᤛᤧ᤹ᤀᤠᤱ ᤌᤠᤱᤃᤧᤳ ᤏᤢ ᤗᤠᤱᤃᤧᤳ. ᤏᤠᤶᤃᤧᤴ ᤏᤢ ᤏᤠᤶᤎᤠ ᤁᤧᤖᤧᤰ ᤐᤡᤛᤠᤱ ᤀᤥᤔᤳᤋᤧ᤹॥

ᤀᤠᤱᤃᤠ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤠᤶᤓᤢᤋᤪᤠᤴ ᤁᤢᤀᤡᤛᤡᤰ ᤑᤥᤛᤢᤱᤛᤡᤱ᤹॥ ᤁᤢᤓᤠᤖᤧ ᤂᤠᤶᤓᤢᤋᤪᤠᤴ ᤏᤡ᤺ᤵᤔᤠ ᤔᤧᤛᤢᤰᤋᤢᤏᤧᤓᤃᤪ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ᤀᤠᤱ ᤏᤡ᤺ᤵᤔᤠ ᤔᤧᤛᤢᤰᤋᤢᤛᤡᤖᤥ॥

ᤂᤧᤸᤗᤧᤆᤥᤃᤢᤸᤗᤧ ᤀᤒᤪᤠᤶᤔᤡᤸᤗᤧ ᤗᤢᤋᤧᤴ ᤔᤧᤳᤋᤢ “ᤂᤧᤏᤧ᤹ ᤏᤢ ᤀᤠᤴᤇᤡ᤹ ᤗᤢᤶᤔᤥ ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤒᤡᤳ ᤁᤧᤔᤧ᤺ᤴᤍᤠᤰ ᤁᤧᤃᤶᤒᤠᤜᤠ᤹ ᤏᤢ ᤀᤠᤱᤃᤠ᤹ ᤀᤠᤒᤡᤳ ᤀᤠᤔᤧ᤺ᤴᤍᤠᤰ ᤀᤥᤃᤧᤔᤧᤵᤐᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤂᤧᤔᤠ᤹ ᤆᤥᤃᤡ ᤔᤣ᤺ᤴ. ᤌᤣᤀᤠᤱᤓᤧᤸᤗᤧ ᤀᤠᤴᤇᤡ᤹ᤃ ᤏᤡ᤺ᤳᤋᤠᤱᤒᤠ ᤁᤠ᤹ᤀᤡ ᤀᤠᤎᤠᤵᤛᤡ॥

ᤂᤧᤒᤩᤠᤱ ᤀᤒᤪᤠᤶᤔᤡᤸᤗᤧ ᤁᤢᤛᤠ᤺ᤱᤃᤠ ᤜᤡᤶᤔᤡᤴ ᤆᤳᤋᤢ. ᤜᤧᤰᤁᤩᤠᤱ ᤔᤔᤪᤣᤒᤠ ᤕᤜᤡᤒᤠᤛᤡᤱᤜᤠ᤹ᤖᤧ ᤁᤢᤒᤣᤛᤠᤱᤒᤠ ᤜᤧᤒᤪᤥᤴᤏᤥ ᤕᤢᤱᤛᤧ ᤐᤣ॥ ᤂᤧᤵᤔᤥ ᤂᤢᤏᤧ᤹ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤗᤳᤇᤠ ᤗᤧᤳᤋᤡ ᤋᤥ᤺ᤴᤔᤠᤍᤧᤴ ᤌᤡᤰ ᤆᤥᤃᤢ॥

ᤗᤢᤋᤧᤸᤗᤧ ᤁᤢᤔᤡᤰᤁᤡᤴ ᤂᤡᤖᤡ ᤜᤡᤛᤢᤀᤠᤱ ᤀᤥᤔᤧᤳᤋᤢ. ᤜᤧᤰᤁᤩᤠᤱ ᤛᤥᤀᤖ ᤗᤧᤵᤔᤠᤱᤒᤠ ᤕᤷᤍᤏᤒᤠ ᤁᤧᤖᤧᤰ ᤋᤧᤶᤒᤣ᤺ᤴ ᤏᤡᤛᤢ॥ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤓᤢᤱᤀᤡᤰ ᤀᤡᤃᤪ ᤔᤡᤛᤪ ᤗᤠᤈᤣᤴ ᤜᤧᤰᤁᤣ ᤂᤧᤴ ᤁᤧᤖᤧᤰ ᤆᤫᤠ᤺ᤳᤋᤡᤸᤗᤧ ᤘᤓᤡ᤺ᤴᤍᤢᤀᤠᤱ ᤏᤧᤛ᤻ᤛᤧ॥ (ᤁᤱᤃ ᤕᤜᤘᤣ ᤍᤠᤱᤒᤠᤸᤗᤧ ᤛᤍᤥᤔ ᤏᤢ ᤃᤔᤥᤖᤠ ᤐᤠᤱᤈᤢᤶᤔᤡᤴ ᤔᤧᤱᤔᤠᤏᤢ᤺ᤸᤗᤧ ᤋᤃᤡᤒᤠ ᤐᤠ᤺ᤴᤗᤥ॥)