ខគម្ពីរពេញនិយមពី Markus 12

ចែក​រំលែក

Om jawapai di Yisus, “Itino nisuu do Kinoringan di opigot marong, ‘Oou tulun Israil, pongkinongouno! Tuhan nopo nga irino Kinoringan tokou, om sosoiso Isido Tuhan tokou. Misti do ovi-oviono ino ginavonu, om ovi-oviono ino kovijaannu, om ovi-oviono ino sinoromonu, om ovi-oviono ino kogiratannu do au kojuuko di Tuhan i Kinoringannu,’ ka. Itino nisuu do koduvo, ‘Misti do auko kojuu di tulun vokon irad dino kojuvannu kondiri,’ ka. Ausono vokon nisuu do opigot mantad dino,” kadi Yisus.

Om loovono dii di Yisus i tongotulunJo, om kaDisido diolo do, “PatangaronKu marong dikovu iti do oguu nogi siin niasu dilo tongondu napatajan do savo do miskin silo poijanan do parsambaan mantad kasangkat dilo tongotulun vokon. Do kasangkat dilo tongotulun vokon nga minanaak diri siin iri itaak di Kinoringan om oguupo i siin noolu diolo. Nga ilo nopo tongondu miskin, insanpo mai osimpitan isido, nga pinaasu kasangkat i kovivijaanjo siri poijanan do siin,” kadi Yisus.

Om ogom-ogomno dii i Yisus siri gotuvang do poijanan do parsambaan si natad do Valai Sasambayangan Tagajo, om kaantangai dii Disido i tongotulun do paasu do siin siri poijanan. Nga ii nopo tongotulun takaya om oguu dii iri siin poosuon siri. Nga korikotno dii iri iso tongondu napatajan do savo iri miskin do papaasu diri itaak disido di Kinoringan i siin tambaga duvono tinan, om irino torogo do sosoiso siin diolo.

Om misti do ovi-oviono ino ginavo tokou, om ovi-oviono ino sinoromo tokou om ovi-oviono ino kogiratan tokou do au kojuu tokou di Kinoringan. Om misti au tokou kojuu di tulun vokon irad do kojuvan tokou kondiri. Nga irino opigot marong mantad di tongonisogit di sorobon, om i tongonisogit vokon i pataakon do Kinoringan,” kadi tulun monunuduk do Undang-undang Ugama do Joudi.

Nga kadi Yisus, “Nong i Koisar sanganu, onuai tokouno i Koisar. Nong i Kinoringan sanganu, onuai tokouno i Kinoringan,” ka. Nga oiranan dii marong iolo di Yisus.