ខគម្ពីរពេញនិយមពី 1 Korintus 9

ចែក​រំលែក

Tikid-tikid do tulun i maja do portondingan nga ogiat do tumorining do mongubas di kojuvanjo, om porintawonjo marong i kojuvanjo supaya kaanui do singal odia tanda do nakamanang isido, nga iri nopo om rumobuki. Nga itokou nopo om kaanu do odia diri au moilo rumobuk. Om ioku nopo diti nga monginontob moginangkus do rumikot siri garis do kamanangan. Om kavagupo ontok do monuduk oku di tinangaran do Kinoringan, sumugut oku di tongotulun do oubas do buksing do au omiis i pananampakku.

Do irad do potorining oku marong diti kojuvanku gosob do momorinta marong supaya kotorima oku diri odiaku. Sabap nong okonko irad dino, insan koponuduk okupo do tulun vokon diti Abar do Aandai, ioku kondiri nga au onuan do odia.

Oilaan mujui do kasangkat diri tongotulun nga santangkus-tangkus mogilulumba do siri portondingan nga isono iri kaanu di kinamanangan, kon? Nga ikovu nopo tongotulun iri aparsaya di Koristus nga misti do monginontob manangkus irad diri tulun siri portondingan supaya om kamanang kovi om onuan kou do Kinoringan do odia.

Om nong tulun di au songkuro aparsaya nopo kogovuloku nga iradno di gaagaya diolo i gaagayaku supaya kaangat oku diolo do aparsaya di Koristus. Om iradno dino i gaagayaku do sumugut di gaagaya di tulun kasangkat, supaya onuu nopo i gaagayaku kaangat oku piipiro diolo kumaa si kovijaan.