ខគម្ពីរពេញនិយមពី 1 Korintus 6

ចែក​រំលែក

Om noilaan mujuno do kojuvan muju nopo nga irino valai di Tatod Tolidang i poindada sino dikovu, i Tatod di nitaak dikovu mantad di Kinoringan. Kojuvan muju nopo nga okonnoko ikovupo sumanganu nga irino i Kinoringan. Do ikovu nopo nga nobolino om oorogo marong i nipomoli do Kinoringan dikovu. Nong irad dino, pakajo mujuno ino kojuvan muju do papagajo do ngaran di Kinoringan.

Noilaan mujuno do ii nopo tulun di au maja di abanar nga au kaanu di kaandaio di Kopomorintaan di Kinoringan. Sabap diri do ada kouno kapalid, do ii nopo tulun di mamaal kalalasu, om i sumamba di okonko i Kinoringan, om i lumapau, om i mikaraja sasama kusai om sasama tongondu, om i mananakau, om i tamaa, om i moginovukan, om i mangaraat do vokon, om i parampuk, om itino kasangkat iri au kaanu di kaandaio saralom do Kopomoritaan di Kinoringan.

Insoduai mujuno ino gaagaya do sumundal sabap sumundal nopo om irino gaagaya di tulun do koduso di kojuvan kondiri. Nga pointikid-tikid di duso vokon i vaalon do tulun nga aui koompot-ompot i kojuvanjo.

Kivaro kama mitangar do irad diti, “Kasangkat do onuu nopo nga obuli do vaalonku,” ka. Om oinomod nogi, nga okoniko kasangkat iri do popountung disido. Om ioku nga obuli mitangar do, “Kasangkat do onuu nopo nga obuli do vaalonku,” kangku daa, nga au okui uvang do uriponon do onuu nopo.

Om vinijauno do Kinoringan i Tuhan Yisus do mantad di kapatajon. Om itokou nogi nga irad dino do vijauon di kuasa Disido.