ខគម្ពីរពេញនិយមពី Fagsigadan 49

ចែក​រំលែក

Ay kaduge yap ngay o gleleg, o ban sik tagmagurang wo. Ay anggan sat dagat daga am fufu at tiba sik tagmagurang yangay, anggan wa ban umdasug sa am fufu at sadi. Kanya am fufu at sadi, kanya wa ban tibak fulan fagnansegan ay at fagnanguban at ngay famanyun.

“Ay o Use, kata o sik mela fag asnu at malindug sis bukbuwan safa ay ate sis tungud abat. Ay ginanya sik ngay taw tagfanan indasug. Ay gayon emu. Igfana wa gugat gugat teway gyafateun emu.

Ay roro di o gatungulan. Fangkabat o tuwa baliwa tagfana anya, teway faggugat am take magong tuwa. Di kalukme. Fakatanyaun, tam Diyus igtarabang tuwa emu. Kanya wan tagfatvngvdun antam. Ay kanya yangay takata sik batu daul tagdingding ku ngay taw. Nu katanya, tam Tiba Tungud gtunglusanan tuwa ban nu gtarabang emu. Ay kanya wa ban tagfamoyan ay tagfe safa siginan sangay bukbuwan laman gfabasa tuwa fagdaul am talun. Ay gfaayu yangay ban am ngay unga ay anggan am ngay balan.

“Nu si man emu Uda, madaragang tuwo, ay am iba sisiyan igfaning tuwa ban emu ay nanseg tuwa ban gugat emu. Fagayu ban am fabarangyan o tuwa gugat tagbabo. Katvngvdan nu madaragang o, kata tuwo sik liyun at ke nafagamat. Ay ganabayan tuwa kon at nafagamat, ay nu napsug wan kafoli wa sat fagtiyugan, ay gtiyug tuwa manabayan, ay we nanfulo anya. Kalimu wadi.

“Rubin, o wan ku turungana. O wan taguna ku unga ebi gina aw mabitsug. Nu katanya, o wan taglabi am iba sisiyan nu madaragang. Ay am iba sisiyan igfaning tuwa emu, teway o wan at kaka. Dewa katanya, nu glag aw emu, wo mafatawad am amatanganan. Kata way o sik safa at nalabi at fakalimusan ebi ginan. Ay nu katanya am iba sisiyan way ban taglabi emu, teway natsa o ku mangena at sadi.