ខគម្ពីរពេញនិយមពី 1 Akorinti 13

ចែក​រំលែក

Chitemwano chuchita kalekelezi nowama mtima; chitemwano sichuchita ukwa; chitemwano chosalitamya, chosatukumuka na chinyang'wa, chosachita vyosawamila, chosasaka vyake chine, chosapya mtima, chosapendako viipa

chukoselela mvyonse, chuzomera vyonse, chugomezya vyonse, chupilila vyonse.

chosatemwa vyosalungama, lomba chutemwa vyachendi

Lomba vusala mvwano, chigomezyo, chitemwano, ivi vitatu; lomba chikuru cha ivi ni chitemwano.

Chitemwano chosapereŵera nsita zyonse: sembe vikaŵa vyoŵirizya vikalope; vikaŵa vilaŵiro vikasile; kukaŵa kuziŵa kukalope.

CHUKANGA nikalaŵira na vilaŵiro vya ŵantu na malaika, nikasoŵa chitemwano, nikuŵa mkuŵa wolilima kano njera yulila monjo.

Chukanga nikaŵa muŵirizi noziŵa vyakunsei vyonse na nzeru zyonse; chukanga nikaŵa na mvwano wonse mpakovwendezya malupiri, lomba nikasoŵa chitemwano sinili kantu.

Chukanga nikapa chuma changu chonse kwalyesya ŵokululuka, chukanga nikapa muŵili wangu kupya mulilo, lomba nikaŵave chitemwano, sinushukamo kantu.

Apo penenze msaza nenzolaŵira nga ni msaza, nenze na mtima wosaza, nenzolingilila nga ni msaza: lomba panili mkuru nileka vyosaza.