ខគម្ពីរពេញនិយមពី मरकुस 14

ចែក​រំលែក

एने कोयू, “हे अब्बा, हे बास, तारेसी सोब काय होय सोकतलो छे, इना प्याला काजे मारेंचा गोथु छेटू कोरले ते बी जोसो मारा मोनोन तोसो नी, बाकीन तारा मोनोन तोसो होये”.

जागता एने प्रार्थना कोरता रोयू कि तुमु परीक्षामा नी पोळे आत्मा ते तीयार छे, बाकीन डील कोमजुर छे.

मे तुमु काजे छाचलीन कोयो कि आखा जोगोमा जा का बी वारली खोबरोन प्रचार कोरायसे, चा तेरा इना कामोन वात बी तेरी फोममा कोरायसे.

एने तीनु काजे कोयू, “मारो मोन घोनो नोराज छे, न्या तोक कि मे मोरने पोर छे; तुमु न्या रोयू, एने जागता रोयू.”

जेतार चे खाणेत बाज रोया होता, चू रुटू लेदू, एने आशिष मांगीन भांग्यू, एने तीनुक आप्यू, एने कोयू, “लेवू यो मारो डील छे.”

ओवतेन चु प्यालू लीन धन्यवाद कोऱ्यु, एने तीनुक आप्यू; एने चे आखा तीनामा गोथा पीदा. एने येसु तीनु काजे कोयू, यो नोवला वायदू मारो चो लुय छे, जो घोना सोवटान कोरता वोयाळाय जातलो छे.

तेत्यार येसु तीनु काजे कोयू, “तुमु आखा ठूकर खासु, काहाकि लिखलो छे, ‘मे राखवाव काजे दिस, एने गाडरा वेरा-वेर होय जासे,’”

उठू, चालू देखू, मेसेक धोरावने वावु साते आव लागलु छे.”

येसु तीनाक कोयू, “मे तुसे काजे छाचलीन कोयो कि आजुत इनी राती कुकळू दुय कावा वासनेन पेहेले, तु तीन कावा मेसे काजे नाकारीस.”