ខគម្ពីរពេញនិយមពី मरकुस 10

ចែក​រំលែក

काहाकि माणसोन पुऱ्यु इनान कोरता नि आव्यु कि तेरी सेवा चाकरी कोरावने, बाकीन इनान कोरता आव्यु कि खुद सेवा कोरे, एने घोणा सोवटा काजे छुळावनेन कोरता तेरु जीव आपने.”

येसु तिंदरे भुनी भावीन कोयू, “माणसोसी ते यो नि होय सोकतेलो, बाकीन परमेश्वर सी होय सोकतेलो; काहाकि परमेश्वर सी आखो काहीन होय सोकतेलो.”

येसु तीना काजे कोयू, “जात रोय तारु भुरसू तुसेक वारू कोरलु छे” चू तेत्यारुत देखणे बाज गोयू, एने वाटे तेर पोछोव चाल देदू.

इनान कोरता जीना काजे परमेश्वर जुळलू छे तीना काजे माणूस ओलोग नि कोरनो.”

येसु तिना पोर नोजोर नाखीन तीना पोर मोंग कोऱ्यु, एने तीना काजे कोयू, “तारेमा एक वातोन कोमी छे जा जो काहीन तारो छे तीना काजे वेचीन गोरीबो काजे आप दे, एने तुसे काजे सोरगोमा धोन जोळसे, एने आवीन मार पोछोव चाल.”

इनापोरसी येसु तीना काजे कोयू, “तारी काय मोर्जी छे कि मे तारेन कोरता कोरो?” आंदवू तीना काजे कोयू, “हे रब्बी, यो कि मे देखणे बाजजाम.”

बाकीन तुमरेमा ओसा नि होय, नीती जू कुदू तुमरेमा मोटू होयनेन देखे चु तुमरू सेवक बोने.

मे तुमु काजे छाचलीन कोयो कि जो कुदू परमेश्वरोन राज काजे पुऱ्या सारको स्वीकार नि कोरे, चू तीनामा कोबी नि जाय सोके.”

बाकीन लोकेत जे पेहेला छे, पोछोव होय जासे; एने जे पोछोव छे, चे पेहेल होय जासे.”

बाकीन कोव बोनावनेन टेमे परमेश्वर नोर एने नारी कोरीन तीनु काजे बोनावलु छे. एरे वोजेसी माणूस आपना आसी-बासासी ओलोग होयीन आपनी लाडी पुठी रोयसे, एने चे दुय एक डील होयसे;. इनान कोरता चे हिमी दुय नि बाकीन एक डील छे.