ខគម្ពីរពេញនិយមពី सेन्‍चि 7

ចែក​រំលែក

आक्‍क डॆङ्‌पि काङॆ हाङ्‌पेन्‍ठाम् ठाल नुङ् सामुङ्‌मि ङारिङ्‌पि ङेप्‍मान हेनिहा ओइर याॽमिचि खोम्‍टि खॆॽमिम्‍पा खाङ्‌टकुङ्चि। खोचि चोब्‍न हाङ्‌डाम्, जाटिबाङ्, सामॆक्‍बाङ्, याॽमिचिबाङ् हाङ् खाप्‍बिहा याॽमिचि लॆटामि। खोचि बिइःमा चेः चाङ्‌मिम्‍पा लॆटामि, हाङ् उम्‍चि हुक्‍पि खाजुरमि हाँगा खिन्‍मिम्‍पा लॆटामि।

खोचि ढ्‌या साम्‍लाबि गर कासामि, “हाङ्‌पेन्‍ठाम् ठालबि पेन्‍खुबा कानिम् निवाँहाङ् नुङ् सामुङ्‌बाङ्‌न कानि हिङ्‌चाडि।”

मान्‍ठाभनॆ हाङ्‌पेन्‍ठाम् ठालमि लुम्‍पि पेन्‍खुबा सामुङ्‌ऎ खोचि कुकुचिमि। खोसॆ खोचि हानाम्‍स लुक्‍खॆॽनॆ हिङ्‌खामामि योवा पिकुचि। हाङ् निवाँहाङ्ऎ खोचिम् चोब्‍न मिॽवा टुःक्‍पिकुचि।”

मसॆ “खोचि हाङ्‌पेन्‍ठाम् ठालबि पेन्‍खुबा निवाँहाङ्‌मि ङारिङ्‌पि येप्‍मानुङ् लेन्‍टा सेन्‍टा निवाँहाङ्‌मि खिम्‍पि खो चुङ्‌मॆ योम्‍पक् यिगुक्‍मि। हाङ् हाङ्‌पेन्‍ठाम् ठालबि पेन्‍खुबा खोचिम् लुम्‍पि लिसे कोबुकुचि डोबुकुचि। हाङ् खोचि फेरि हानाम्‍स सागॆ नुङ् वाइमॆ सिसुचिनि। हाङ् खोचि ङिऎ नाम्‍ऎ हाङ् होइक कुःसाहा माङ्‌ऎ सङ्‌क डुखा पिॽमा हेसुनि।

“एच्‍छ यो एच्‍छ, कानिऎ कानिमि निवाँहाङ्‌मि योम्‍पक् मुखुबाचिमि निङ्‌टँवाँबि लायुङ् माटिरढारि बाखाटेम, पॆरॆरॆमा नुङ् सिङ्‌लुङ् माङ्‌स आलॆटाम्‍नॆ।” हाङ् निवाँखाटॆखुबाचिऎ लायुङ् टिबिॽमिम्‍पाचि ङेब्‍मिम्‍पा खेमुङ्। खोचि १,४४,००० जना लॆटुचि। हाङ् खोचि चोब्‍न इस्‍राएलि सामॆक्‍बाङ् टामिम्‍पा याॽमिचि लॆटामि।