ខគម្ពីរពេញនិយមពី फिलिप्‍पि 2

ចែក​រំលែក

हाङ् टाङ्‌पामि टेःॽन नुऎ खाङ्‌मॆ हाङ् कायङ्‌पाये मिन्‍से माङ् योम्‍पक् स आयिगानॆ। हाङ् आन्‍ना मिःछुपा लॆङ्‌से एक्‍कसॆ होइक ङेबाम्‍नॆ हाङ् होइढाचि चाइ टाङ्‌पाबाङ्‌स ढ्‌या मिप्‍पॆ चुआनॆ। हाङ् टाङ्‌पाम टेःॽन नुऎ लिर आमिनानॆ, टर होइढाचिमि लागि सङ्‌क नुऎ लिर मिनानॆ।

आन्‍नामि निवाँ येसु खिरिस्‍टमि रॽमान लिर।

खो निवाँहाङ् रॽमान लॆःयुङ्‌सा हाङ्‌स खोसॆ निवाँहाङ् रक्‍न लिढाङ्‌मॆ निवाँ मामुसु। टर खोसॆ खोम् निवाँबाङ्‌न आक्‍खा चोब्‍न याइटु हाङ् एक्‍क योम्‍पक् मुखुबा रॽमान लिसा। खो कानि रक्‍न एक्‍क याॽमि लिसे जान्‍मालिसा। हाङ् खो मिःछुपा लॆङ्‌से सिखॆॽलढारि हाङ् कुरुसाबि सिखॆॽलढारि लोमिम्‍पा खेमु।

मान्‍ठाभनॆ निवाँहाङ्ऎ आन्‍नाबि हानाम्‍स योम्‍पक् यिक्‍ढाङ्‌कु। हाङ् खोसॆॽन आन्‍ना खोसॆ माङ् योम्‍पक् यिक्‍मा मिनुकुवॆ म योम्‍पक् यिक्‍मॆ निवाँ हाङ् चॆक्‍मावा पिकानि।

मसॆ निवाँहाङ्ऎ येसु होइढाचिबाङ् चोब्‍बाङ् सङ्‌पिटु युङु हाङ् चोब्‍नबाङ् सङ्‌पिटुऎ निङ् पिट्‌टु। गरॽहाङ् पारुबि, बाखाटेम्‍पि हाङ् बाखाटेम् खुक्‍माबि चुःक्‍मिहा चोप्‍पासॆ येसु स्‍यामिसे हुहु पोबुक्‍मि। हाङ् येसु खिरिस्‍ट न पारभु कामानुङ् चोप्‍पासॆ निवाँहाङ्‌मि निङ्‌लावा लॆःॽमा लॆ।

योम्‍पक् मुकानिर चॆङ्‌चॆङ् आकासानॆ हाङ् याटक्‍माटक् मान्‍लॆरे चोब्‍न योम्‍पक् यिगानॆ। आक्‍र लॆटानि हाङ्‌ग आन्‍ना हिङ्‌वा हाङ् टेराङ्‌गे लाम्‍ढुमिक्‍खुबा याॽमिम् लुम्‍पि निवाँहाङ्‌मि आब्‍डिक मॆॽडिङ्‌मा चाचाचिर सॆङ्‌सॆङॆ लिकानि। हाङ् साङ्‌केम्‍माऎ नाम्‍फोलिॽवा ओसिन्‍ट उम्‍चि लुम्‍पि आन्‍ना ओमा लॆ।

मसॆ काङॆ काम लाङ्‌काम्‍चि गरहाङ् लोकानि, काङा आन्‍नानुङ् चुइङर आन्‍नॆ हानाम्‍स काङॆ लोमिम्‍पा खासियुङ्‌सानि। हाङ् गरॽल काङॆ आन्‍ना याइडाडानि मसॆ मान्‍टहाङ् कॆ आन्‍ना लोडानि म खानावाँ एट्‌टान टिङ्‌मा लॆकानि। मसॆ आन्‍नामि निवाँयुङ् खाङ्‌मिॽमाम् लागि नुऎ योम्‍पक् यिक्‍ढाङ्‌सानॆ। आन्‍ना हिङ्‌पक्‍मिॽमॆ योम्‍पक् मायॆॽलढारि आन्‍ना खोमि किसिमाबि पेन्‍मा लॆ।