ខគម្ពីរពេញនិយមពី हिबुरु 1

ចែក​រំលែក

हाङ् पासाबिन निवाँहाङ्‌मि चोब्‍न ओप्‍लिङ् रहा निङ्‌लावा चुः हाङ् खो निवाँहाङ्‌मि रुपा यो। हाङ् खोसॆ खोम् चॆक्‍मावा नुङ्‌मा खानावाँऎ नाम्‍फलिॽवा हाङ् बाखाटेम्‍पिहा चोब्‍न खानावाँ फॆरुकु। आक्‍क डॆङ्‌पि खोसॆ कानि हिङ्‌वाबाङ् फागि हाङ् पारुबि चोब्‍बाङ् सङ्‌पिऎ निवाँहाङ्‌मि चुप्‍ठिङ् हुक् पोट्‌टि पेना।

आरॆॽऎ लःबि निवाँहाङ् निवाँहाङ्‌मि खानावाँ लोखुबाचिबाङ् कानिम् पप्‍पाटुबाचिनुङ् डिरिक् खेप्‍पा डिरिक् लाम्‍फुबाङ् यामुसा टर ग लुक्‍खॆॽमा ठाबाक्‍मिम्‍पा डिनाबि चाइ खो टाङ्‌पामि पासाबाङ कानिनुङ् यामुडा। हाङ् निवाँहाङ्ऎ खोम् पासाबाङ्‌न चोब्‍न सिरिस्‍टि लॆटु हाङ् लोसु, इॽया खोम् पासाऎ चोब्‍न खानावाँ सक्‍पि ढुप्‍पाट्‌ट फॆरुकु।

टर निवाँखाटॆखुबाचि निवाँहाङ्‌मि योम्‍पक् मुखुबाचि टेःॽन रेम। खोचि निवाँहाङ्‌पि हिङ्‌चाखुबा याॽमिचि पाइबाक्‍माम् लागि पाङ्‌हाङ्‌पा लावा रेम।

हाङ् खोसॆ खोम पासा गर स लोसु, “पारभु, चोब्‍बाङ् याॽल आनॆॽन बाखाटेम्‍मि जागा ठुङुना। हाङ् आनाम् हुगॆॽन नाम्‍फलिॽवा मुसुना। “इॽया बाखाटेम् नुङ् नाम्‍फलिॽवा कॽलाङ्‌माहा चेःर माङ्‌ना माङ्‌ऎ लि हाङ् आक्‍खा खानावाँ होइकन मुबक्। टर आना चाइ हानाम्‍स हिङ्‌चाढाङ्‌ना हाङ् हानाम्‍स होइकन लिनानि।”