ខគម្ពីរពេញនិយមពី एफिसि 4

ចែក​រំលែក

हाङ् एक्‍कसॆ होइक नाम्‍नाम् पिसिपे नाम्‍नावाँ लॆःपे चुआनॆ। निवाँहाङ्ऎ खिरिस्‍टबि आन्‍नामि हिङ्‌वा यङ्‌मिॽमिम्‍पा रक्‍न आन्‍नॆ सङ्‌क एक्‍कसॆ होइक यङ्‌निपे चुआनॆ।

हानाम्‍स मिःछुपा लॆङ्‌मॆ, नाम्‍नावाँ नुङ्‌मा हाङ् आङ्‌हिखुबा लिसानॆ। हाङ् एक्‍कसॆ होइक नाम्‍नाम् पिसिपे चुआनॆ।

आन्‍नामि याबाङ काइसॆ खानावाँ ऎआम्‍पॽल। पाबुऎ, नुऎ हाङ् याॽमिचि योम्‍पक पिःऎ खानावाँ टे यामुसानॆ। हाङ् खेम्‍खुबाचिऎ आसिका टक्‍चाउचिर।

हाङ् चोब्‍न खालाहा काइसॆ खानावाँ, खिमाटुमा, सिरि लॆःमॆ खानावाँ याइटानॆ। हाङ् वोःमॆ, खानावाँ इचाटिॽमॆ हाङ् काइर मिप्‍पेचुमॆ खानावाँ याइटानॆ।

आन्‍ना सोम खेरुकानिर हिङ्‌वा योम्‍पक् चाइ आयिगानॆ। आन्‍ना एच्‍छक्‍म सोम् खेरुकानि हाङ्‌स एच्‍छक्‍हाङ् आन्‍नामि सिरि सिःखॆॽल। आक्‍र लॆःसे साइटान आन्‍ना हङ्‌सि भॆन्‍मा आटक्‍कुर।

हाङ् याॽलि आन्‍ना मान्‍टहाङ् पाइयुक्‍सानि म हिङ्‌खामा याइटानॆ। मान्‍ठाभनॆ आन्‍नामि काइसॆ निवाँऎ आन्‍ना हुन्‍नऎ लाम्‍फुबि लाम्‍ढुमॆ हाङ् नासॆलॆॽमॆ पाइटानि। हाङ् आन्‍नामि निवाँ हाङ् लावा चोब्‍न उम्‍चङ लिःर। हाङ् उम्‍चङ् याॽमि चाइ निवाँहाङ् रक्‍मान मुमिम्‍पा लिः। हाङ् ग हिङ्‌खामा चाइ निवाँनेन हाङ् सॆङ्‌सॆङॆबि पाइ। आन्‍ना आक्‍रहाङ्‌न पाइटानॆ।

हाङ् निवाँहाङ्‌मि लावाऎ आन्‍ना टङ्‌चामिडानि। मसॆ आन्‍नामि लुम्‍पि टङ्‌चामानुङ् पेनानॆ।

हाङ् खोसॆॽन ऎॽवा याॽमिचि सॆक्‍ढुङ्‌पाचि, निवाँहाङ्‌मि खानावाँ लोखुबाचि, नुऎ खानावाँ खेम्‍मिखुबाचि, मान्‍डालि खाङ्‌खुबाचि हाङ् चिन्‍खुबाचि मुःडुचि। हाङ् खोसॆ चोब्‍न निवाँहाङ्‌मि याॽमिचि खोम् योम्‍पक् मुहिखुबा मुमाम् लागि हाङ् खिरिस्‍टमि सालुङ् मान्‍डालि चॆकुवॆ मिॽमाम् लागि गर लॆटु। हाङ् इगाह बारडानामि योम्‍पक्‍ऎ कानि निवाँयुङ्‌पि एक्‍कन लिःमा हाङ् निवाँहाङ्‌मि पासामि निवाँबि पुःमिहिकि हाङ् कानि चाइबान खिरिस्‍ट रक्‍न मापाइहिरढारि खोसॆ कानि पुःमिढाङ्‌कि।

हाङ् कानि हयॆबाङ् मरक् पिसाचिर लिसिनि। कानिमि निवाँयुङ् चॆकुवॆ लिः। हाङ् होइढा काइसाहा याॽमिचिऎ कानि चिन्‍मिम्‍पा हुन्‍नहा खानावाँऎ कानि फोप्‍सिॽमा हेसिनि। हाङ् कानिमि याॽलऎ निवाँयुङ्‌बाङ् गरमर लॆटिनि। बोरु कानिबि एक्‍कसॆ होइक नाम्‍नाम् पिसिपे चाइबान यामुसे खिरिस्‍ट रक्‍न लॆःसे खो रक्‍मान लिसिये मान्‍ठाभनॆ खो कानिम् निङ्‌टवाँ यो।