ខគម្ពីរពេញនិយមពី २ पाट्‌रुस 2

ចែក​រំលែក

गरहाङ् आन्‍नॆ पारभुऎ निवाँनेन् याॽमिचि डुखाबि हिङ्‌पक्‍मिकुचि हाङ् हिङ्‌वाचि चाइ न्‍यायॆमि डिनाढारि डान्‍डामि लागि सुम्‍ढाङ्‌कुचि लोमॆ लेकाम्‍नि।

मान्‍ठाभनॆ निवाँहाङ्‌मि ङारिङपि मान्‍टहाङ् पाइमार चाइ नुऎ लिऎ लोमॆ खानावाँ लेकु हाङ्‌स मरक्‍न ऎपाइखुबाचिऎ ग बोरु आक्‍क निवाँनेन् लाम्‍फुन आखाङ्‌टक्‍मिम्‍पा काम्‍नुऎ लिखुबा लॆटा। आक्‍खाचि ग गरहाङ् इकॆॽमिम्‍पा चाइबानऎ खानावाँ रक्‍न पाइमि, “हुॽवॆ टाङ्‌पॆ पॆॽमिम्‍पा ठका फेरि खोसेॽन चाबकु” हाङ् “सःक्‍मिम्‍पा बाक् फेरि हिलब्‍न नःग्‍चासि खॆ।”

हाङ् आक्‍खाचिऎ आन्‍ना फाक्‍बकानि कामानुङ् लोखाङ्‌कुचि टर खोचि टाङ्‌पान नासॆ लिमॆ खानावाँबि रुम्‍सिखॆॽमिम्‍पा लिक्‍मि। मान्‍ठाभनॆ हाम्‍पॆ खानावाँऎ चाइ याॽमि हेचाकु खो आक्‍कमि योम्‍पक् यिक्‍खुबा लि।

मान्‍ठाभनॆ काङ्‌कामि पारभु नुङ् फाक्‍खुबा येसु खिरिस्‍ट लेकु हाङ् बाखाटेम्‍बिऎ हिङ्‌वाबाङ् फाक्‍बक्‍से होइखेपा सङ्‌क आक्‍क हिङ्‌वा बिॽन खॆक्‍खुबा याॽमिमि डुखा ग याॽलऎ बाङ्‌स किॽमालुऎ लि।

मान्‍टहाङ् इस्‍राएलिचिम् लुम्‍पि हुन्‍नहा खानावाँ लोखुबाचि चुआमि, आक्‍रहाङ्‌न आन्‍नामि लुम्‍पि सङ्‌क हुन्‍नहा खानावाँ चिन्‍खुबाचि आम्‍पःक्‍मि। आक्‍खाचिऎ खोचि सक्‍पि सॆॽलन नासॆलॆखुबा खानावाँ लाटॆकुचि हाङ् टाङ्‌पा फाक्‍खुबा पारभु सङ्‌क मिइखॆकुचि। मसॆ आक्‍खाचिऎ खोचि सक्‍पि सॆॽलन लुक्‍खॆॽमॆ खानावाँ टॆकुचि।