ខគម្ពីរពេញនិយមពី Ɓalɔma 5

ចែក​រំលែក

Ɨkyɛmɨngana, Asʉɓɨɨ a꞉pana kingono ɓɔ a꞉tɨkʉnda kingono. Jʉ ati ngia ki꞉nye‑ɔɔ amati ʉ ɓʉɓɨɓɨ, Klisito a꞉wo aka ekoo ʉndɛsʉ.

Nʉ napɨa itungwio yambʉkɔmʉ yɨ pɨtanaka, jʉ Asʉɓɨɨ a꞉nadaiso ɓʉkʉnda ngiɓangɔ ɓaja amati ʉ mɨtʉma ngiindɛsʉ 'upi akʉ 'Ʉtʉma wɔɔ Tu ngua a꞉tinzo.

Nadɨndɨ yakusigo ɓɔ kanʉ ɨgyagya kʉ ekoo ɓʉka‑ɓʉkaɨ ngiɓa kakʉdya engo jʉ kakʉmbɨa ɓɔ ɓʉka‑ɓʉkaɨ ngiɓʉnanɨ ɓaanzo mombi 'ʉtʉma wɔɔ ʉta, nʉ 'ʉtʉma wɔɔ 'ʉta waaikiso mombi kuɓio nʉ 'ʉtʉma wɔɔ pɨɛ ɓʉka‑ɓʉkaɨ, nʉ 'ʉtʉma wɔɔ pɨɛ ɓʉka‑ɓʉkaɨ waaikiso mombi kʉnapɨa itungwio ekoo ɨngbaa yɨ moni.

Kʉ ɓwanɨ, ka꞉ka ɓombi ɓɔɔ ngbingbii apɛɛ ʉ Asʉɓɨɨ 'upi akʉ baya ngiindɛsʉ, ya aka ekoo ɔngɔ iya ka‑ɔɔ nʉ majɨɔ nʉ Asʉɓɨɨ ɨngbaa akʉ Makʉʉndɛsʉ Yeso Klisito. Ya aka ekoo baya ngiinanɨ iya Yeso a꞉tinzo‑ɔɔ ɨngbaa yɛɛ kɛ tinene nʉ ɨjɨɔ ngia yɨ Asʉɓɨɨ, nʉ isu ka ɓʉmaɨ akʉ ɨjɨɔ ngiinanɨ ɓʉɓʉnɨ. Ya aka ekoo ngiinanɨ iya ka‑ɔɔ kʉkwa ɨgyagya ɓʉɓʉnɨ jʉ kakʉnapɨa itungwio kʉnyɨa nʉ izi amati ʉ ɨbɨba ngia yɨ Asʉɓɨɨ.

Jʉ ati ngia kambikinye‑zʉ‑ɔɔ nʉ angu kʉ uɓomu, Klisito a꞉wo aka ekoo ɓʉɓɨɓɨ akʉ wati ngua Asʉɓɨɨ a꞉napɨa.

Kʉ ɓwanɨ, ka tiga ngbingbii apɛɛ ʉ Asʉɓɨɨ ɨngbaa akʉ miniki ngika kʉ Yeso. Yakʉpananiso kingono ɓɔ a꞊tihiiso hiisoo, ambʉ 'ʉnganga wʉ Asʉɓɨɨ wɔɔɓiokɔmʉ ekoo ʉndɛsʉ.

Aka ekoo ʉ ɗɨa ʉpanʉ yɨ mombi mʉngana, ɓombi ɓaja ɓa꞉kumunio amati ʉ ɓʉɓɨɓɨ. Ngbanga kʉ ɓwanɨ, aka ekoo mombi mʉngana ngia a꞉kɔ Asʉɓɨɨ, ɓombi ɓaja ɓa꞉ka tiga ngbingbii apɛɛ angɔ.

Nʉ ɓata, kakʉkwa ɨgyagya apɛɛ ʉ Asʉɓɨɨ ɨngbaa akʉ Makʉʉndɛsʉ Yeso Klisito iya a꞉tɨnapɨa ɓɔ kuɓio nʉ ɓayo nʉ ɔɔ Asʉɓɨɨ.