ខគម្ពីរពេញនិយមពី Римлилер 6

ចែក​រំលែក

Себеби гүнаның төлеми – өлим, ал Қудайдың сыйы – Ийемиз Масийх Ийса арқалы берилетуғын мәңгилик өмир.

Сонда гүна сизлердиң үстиңизден ҳүкимдарлық етпейди. Өйткени сизлер нызамның бийлиги астында емес, ал Қудайдың мийриминиң бийлиги астында жасайсыз.

Масийхқа исенип, суўға шомылдырылыў арқалы Оның менен бирге өлип, көмилдик. Солай етип, Қудай Әкемиздиң қүдирети менен Масийхтың өлимнен қайта тирилип, өмирге ерискениндей, бизлер де жаңа өмирге ерисемиз.

Денеңиздиң мүшелерин наҳақлықтың қуралы қылып, гүна ислеўге тапсырмаңлар. Керисинше, өлимнен қайта тирилгенлер сыпатында, өзлериңизди Қудайға бағышлаңлар. Денеңиздиң мүшелерин де ҳақлықтың қуралы қылып, Қудайға арнаңлар.

Гүнакар тәбиятымыздың күшин жоқ қылып, ендигиден былай гүнаға қул болмаўымыз ушын, бизлердиң ески гүнакар өзлигимиздиң Масийх пенен бирге атанақ ағашқа шегеленгенин билемиз.

Сонлықтан сизлер де өзлериңизди гүна ушын өли деп, ал Масийх Ийса менен қатнаста болып, Қудай ушын тири деп есаплаңлар.

Олай болса, не деймиз? Қудайдың мийрими көбейсин деп, гүна ислеўди даўам еттире берейик пе? Ҳеш қашан! Бизлер гүна ушын өлгенбиз. Енди қалайынша, гүна ислеўди даўам еттирип жасай аламыз?

Бойсынатуғын қуллар сыяқлы, өзлериңизди кимниң бийлигине тапсырып бойсынсаңыз, соның қулы болатуғыныңызды билмейсизлер ме? Сизлер я өлимге жетелеўши гүнаның, я ақланыўға жетелеўши бойсыныўшылықтың қулы боласызлар.

Бирақ, Қудайға шүкир! Бурын гүнаның қулы болған сизлер енди өзлериңизге тапсырылған тәлиматқа шын жүректен бойсындыңлар ҳәм гүнаның бийлигинен азат болып, ҳақлықтың қуллары болдыңлар.