ខគម្ពីរពេញនិយមពី Matiyu 5

ចែក​រំលែក

Nyimi a aromo ne era neta diki beru be masanto aa ne pate be ka oso ne. Seena eke be ara azaati o eese be, nangka beyo nya pate aromo akwilǝ me masanto. Nyimi a kangza bayana ee itǝ ana masanto a aromo, adorana nee laka teweno teying te rere ka eya ezame, aa ne sabe Ate aying ooka waya nyimi azaa shili.

Yingnga masanto ma lerambo. Apeng aka a sowa ai azaa ka zalo, a era ta baasa ne.

Ana okona olebaa andaaka neya sangsang a nyimia nyong, obena neyo laka Ashili.

Ana okona olebaa andaaka neya kona ekomo ka lewe le cikǝ o sangsang, obena neyo tiyǝ.

A mi eyang beya aying na, yeme na ana o nyana oying e bosazana Ashili azaa andaaka ne gǝǝzǝ ying

“Ana okona olebaa aromo aaka ne rose o sawa one a nyimi o tare Ashili, aza o bena togomo te shili taate nea te.

Ana okona olebaa andaaka ne gere o cikǝ o cammo, obena ayo rara ne na ayana Ashili.

Ana okona oleba ana o caro anyong, ayo nata ne anyong.

Ana okona olebaa andaaka a nyana ne azaa be sangsang bene, obena togomo te shili taa tene te.

Ana okona olebaa andaaka ne kone egonegone, ayo wore ne egonegone.

Ana okona olebaa ying awere aka aromo ne eske ying, ane nyalang ka ying ane kang beya kombela rendaza ma buru aza oying, obena ying e tareng. Konana oleba e zante ajǝng, o bena bengmǝ bee ying yo gongha aa cak azaa shili, nyimia aromome ne gǝǝzǝ ana obeya angmǝ ka mawo ma Ashili kane kaana ying.”

Ana okona olebaa ana o nata ukpwei, lerambo leena yo itǝ lalene.

Yingnga ogalu makeke maana. A ogalu wa arnang ka olento owai, eya ayo ya ka wa kang olento? Wa itǝ wata kang ya ka edang ne, soona a oke wai a itǝzǝ ne.

Azaa nyimi, itǝ na ana edang nangka Ate aying o zaa shili waye ka edang.

Pate epaaka wa gwara o beke belle eya ‘Eeye’ koona ‘Aa,’ eyapa e kala nyimi, e surea ara ondoo burua.

“E kone a samba o bekaa me na, ‘Liizi a bengmǝ be liizi, a liini a bengmǝ be liini.’ Na mi eyang beya ying na, tana enyane ondoo eza oying epa eburu ne. Ondo wa tabau a letamo lo ore wanggare wai lo guri kawa tabe kangza.

Liizi le oree leo leeyo ote ka o rizi, lopa le ka o pere. Mara o dere sara yende a lepung leo ko bena a tare pate lepung leo a nyimi akwilǝ ola. O ara oree wa ote ka o rizi, core wai ka o pere. Mara o dere sara yende a lepung leo ko bena a tare pate lepung leo a nyimi akwilǝ ola.