ខគម្ពីរពេញនិយមពី Roma 8

ចែក​រំលែក

Basudara e! Katong tau kalo par orang-orang yang sayang Allah deng yang Antua su panggel iko Antua pung rencana, Antua pake apa sa yang jadi dalang dong pung hidop par dong pung bae.

Beta bilang bagitu tagal beta parcaya paskali kalo seng ada apapa satu lai yang bisa kasi pisa katong dari Allah pung sayang. Biar kata itu soal mati ka hidop, malekat-malekat ka setang-setang, hal-hal yang jadi sakarang ka eso-eso nanti, kuasa-kuasa apa sa yang ada di atas langit ka di dalang dunya, ka apapa yang laeng lai, samua-samua tu seng bisa kasi pisa katong dari Allah pung sayang. Katong bisa lia Antua pung sayang par katong tu lewat apa yang Tuhan Yesus Kristus yang katong somba tu su biking par katong.

Allah pung Roh jua tolong katong waktu katong seng kuat. Conto sa, waktu katong seng tau mau sombayang apa, Allah pung Roh sombayang ganti katong, bilang apa yang katong seng bisa bilang deng kata-kata tu par Allah.

Jadi basudara e, kalo katong inga samua yang Allah su biking par katong, katong batul-batul tau kalo Antua ada sama-sama deng katong. Tagal itu, seng ada satu orang lai yang bisa lawang katong!

Tagal itu basudara e, sakarang Allah seng hukum katong yang satu hati deng Yesus Kristus.

Sapa yang iko dia pung tabiat hidop yang bardosa tu pung mau, dia nanti tapisa dari Allah tarus-tarus. Mar sapa yang iko Allah pung Roh pung mau, dia nanti rasa dame deng nanti hidop tarus-tarus deng Antua.

Mar, biar kata katong dapa samua susa deng sangsara tu, akang tetap seng bisa kasi kala katong. Mala katong labe tamba manang lai tagal Yesus Kristus pung sayang deng bae par katong.

Beta parcaya kalo susa deng sangsara yang katong rasa sakarang ni, akang macang deng hal kacil sa kalo banding deng hidop yang luar biasa yang Allah nanti kasi par katong.

Seng ada apapa satu lai yang bisa kasi pisa katong dari Yesus Kristus pung sayang. Biar kata katong susa, sangsara, dapa siksa, lapar, seng ada pung pakiang, cilaka, ka mau dapa bunu lai, Antua tetap kasi unju Antua pung sayang par katong.

La Allah yang tau manusia pung dalang hati tu, Antua tau Roh tu pung maksud, tagal apa yang Roh tu minta par Allah pung orang-orang, akang sama deng apa yang Allah mau.

Sapa sa yang kasi dia pung hidop par Allah pung Roh pimping dia, dia tu Allah pung anana.

Sapa yang hidop iko dia pung tabiat hidop yang bardosa tu pung mau, dia cuma pikir hal-hal yang jadi tabiat hidop yang bardosa tu pung mau. Mar, sapa yang hidop iko Allah pung Roh pung mau, dia cuma pikir hal-hal yang jadi Allah pung Roh pung mau.

Antua pung ana sa Antua seng tahang-tahang, mar kasi Dia biar Dia dapa bunu, biar katong salamat. Jadi, kalo Antua pung Ana sa Antua kasi par katong, Antua jua pasti kasi samua yang katong parlu par hidop par Antua.

Antua pung Roh sandiri yang karja dalang katong pung hati sampe katong bisa tau kalo katong ni Antua pung anana. La kalo katong ni Allah pung anana, itu pung arti katong ada pung hak par tarima harta pusaka dari Antua. Katong nanti tarima akang sama-sama deng Kristus, asal katong susa deng sangsara sama deng Kristus biar katong jua dapa puji sama-sama deng Antua.

Sapa yang iko dia pung tabiat hidop yang bardosa tu pung mau, dia su baku musu deng Allah. Barang sapa yang biking bagitu, dia seng iko Allah pung atorang-atorang deng mala seng mustahak par biking akang.

Barang, samua yang Allah biking di langit deng dunya ada tunggu-tunggu waktu par Antua kasi unju kalo katong yang parcaya ni Antua pung anana.

Katong tau kalo sampe sakarang ni, samua yang Allah biking di langit deng dunya tu ada helahai tagal susa deng sangsara tarus, macang deng parampuang yang rasa saki waktu dia pung ana mau lahir.