ខគម្ពីរពេញនិយមពី Roma 2

ចែក​រំលែក

Jadi kalo kamong kasi sala orang laeng, sapa tau kamong sandiri biking hal yang sama deng yang dong biking, masa kamong pikir kata kamong bisa lari dari Allah pung hukumang? Ka, jang sampe kamong anggap enteng Allah pung hati bae deng sabar yang seng abis-abis par kamong tu kapa? Ka, jang sampe kamong seng tau kata Antua kasi unju Antua pung hati bae par kamong tu biar kamong kasi tinggal kamong pung dosa-dosa?

Basudara e, tagal Allah nanti hukum samua orang yang biking kajahatang, kamong seng ada pung alasang par kasi sala orang laeng, tagal kamong jua biking sala sama deng dong. Jadi sabang kali kamong kasi sala orang laeng, itu pung arti kamong jua su minta Allah par kasi hukumang par kamong pung diri sandiri.

Allah biking bagitu tagal Antua seng lia-lia muka.

Barang, bukang orang yang dengar atorang-atorang Torat yang bisa jadi batul di muka Allah, mar orang yang biking akang.

Waktu itu, Allah nanti balas satu-satu iko apa yang dia su biking.

Mar orang-orang yang cuma tinggal kong pikir diri sandiri deng seng mau dengar-dengarang Allah pung ajarang yang batul mar biking apa yang jahat tarus, Antua nanti morka deng hukum dong.

Mar kamong kapala batu deng seng mau kasi tinggal kamong pung dosa-dosa. Tagal itu, kamong ada biking kamong pung hukumang tamba barát waktu dunya kiamat, waktu Allah kasi unju Antua pung morka deng putus manusia pung hukumang deng seng barát sabala.