ខគម្ពីរពេញនិយមពី Markus 6

ចែក​រំលែក

Pa ri ovandu ovengi tjinene aruhe mbaa ve i nokukotoka, nga Jesus novahongewa ve tji ve ha ri noruveze nangarire ingwi okurya ovikurya. Jesus opa tjera ku wo: “Ngatu yende koṋa ku matu kakara atuyerike peke, eṋe mu kasuve kaṱiṱi.”

Jesus wa tja nai ku wo: “Omuprofete u yozikwa poṋa apehe posi nomoyawo na meṱunḓu re na mokati kovazamumwe ve.”

Jesus tja heruka mokayaha wa muna otjimbumba otjinene tjovandu hi, neye we ve ṱira ondjenda, orondu owo va ri otja ozonḓu nḓe hi nomurise. Eye otja uta okuvehonga oviṋa ovingi.

Punao, eye ka sorere okutjita ovihimise nangarire tjimwe poruveze ndo, posi na indu tja yambeka omake we kovavere ouṱiṱi na ve veruka. Nu Jesus wa himisiwa tjinene i okuhinangamburiro kwawo. Tjazumba eye otja ryanga movirongo ongondoroka ama hongo ovandu.

Tjazumba Jesus wa toora inḓa ozomboroto ndano nozohi mbari, a tara keyuru, nu e ze sere ondaya. Eye wa koyora ozomboroto nu e ze yandja kovahongewa ve kutja ve ze haṋe movandu. Wina wa haṋa inḓa ozohi mbari movandu avehe. Novandu avehe va rya nave kuta. Tjazumba ovahongewa ave wongo outekero wozomboroto nozohi mbwa hupa ko, nave urisa na wo ovimbamba omurongo na vivari.