ខគម្ពីរពេញនិយមពី Mateus 24

ចែក​រំលែក

Nouvi tjinga amau takavara nai, orusuvero rwovengi otjinga amaru yaruka ombunda. Nungwari ingwi ngu ma panḓere po nga komaandero, ma yamwa.

Nu indji Ombuze Ombwa yOuhona mai zuvarisiwa mouye auhe i rire omahongononeno koviwaṋa avihe; nomaandero otji maye ya.

Eṋe mamu zuu ombosiro yovita popezu nozombuze zovita kokure tjinene, nu amu kurungisiwa ko. Oviṋa mbi mavi tjitwa, nungwari ovyo kavi nakuheya kutja inga omaandero ye ya.

Otjiwaṋa tjimwe matji sekamene otjiwaṋa otjikwao, nouhona umwe au rwisa ouhona oukwao. Nu koṋa akuhe maku kara ondjara nomanyinganyingiro wehi. Oviṋa avihe mbi vya sana nombutiro yozongama zokupanduka.

Eyuru nehi mavi yanda, nungwari inga omambo wandje kamaaye yanda ko.

Ovengi mbu mave ritjindi aayo mave hungire mena randje mave ya ave tja: ‘Owami ngu mbi ri Omutwirisiwa!’ Nowo mave pukisa ovandu ovengi.

“Oruveze ndo tji rweya, eṋe mamu kamburwa amu yandjwa kokutatumisiwa namu ṱu. Ovandu avehe mave mu tondo motjimbe tjandje. Momayuva ngo ovengi mave isa ongamburiro yawo; owo mave hororasana movineya nave tandasana. Okuzambo ovaprofete ovengi woposyo mave penduka nave wovisa ovandu ovengi.

Jesus a ziri a tja: “Ṱakamiseye nawa nu ape ningi omundu ngu me mu wovisa.

Eṋe wina opu mamu sokurirongera, Omuna wOmundu tjinga a meya moiri ndji mu hinakumuundja.

“Otji mamu sokukara katumba tjinga amu hi nokutjiwa kutja oMuhona weṋu meya eyuva riṋe.

“Nungwari kape nomundu ngu ma tjiwa eyuva ndo na indji oiri, nangarire ovaengeri meyuru, nangarire ingwi Omuna posi ya Tate omuini porwe.

Orondu tjinga amamu penduka ovatwirisiwa voposyo novaprofete voposyo. Owo mave tjiti ovihimise noviraisiro ovinene okupukisa na vyo nangarire imba ovatoororwa va Ndjambi, andakuzu mape sorwa.

Omeero wOmuna wOmundu maye sana na imbi mbya tjitirwe momayuva wa Noa. Omayuva nga wo komurungu womupupo ovandu aave ri nokunwa, novarumendu novakazendu aave kupasana nga keyuva ndi Noa nda hitire motjitendeze. Nungwari owo kave tjizire imbi mbyaa vi tjitwa nga omupupo tji weya nau ve twara avehe. Otjinga amape kara nao indu Omuna wOmundu tje ya.