ខគម្ពីរពេញនិយមពី Mark 13

ចែក​រំលែក

wa ikamiu ira gene soŋus amaira o tanun sul o manigiu nasasak; nava isei ta roŋo maul gai niŋa o ulusui, te ge esu i gene ilone apena.

Tur nonom momiu apena, tur mamata maran, wa tur tatataro; ape kamiu gate gilala ape masao qoŋ ilone si aŋaisa.

Nava alo si neira qe rave kamiu aŋaisa, wa we ukeg vano kamiu mun o veveg, turpea nom teqateqa amoa si kamiu te vava o sava, wa turpea nom vasarig apena. Panava o sava tea ta ukeg ma sur kamiu alo masao qoŋ ilone, tur vava lue ilone. Ape gate kamiu we vavava nava o Vui we Roŋo.

O tuka wa o tano te sarapun: nava nok o vavae ŋaŋ tete sarapun ilo lai.

Panava ape qoŋ nane ilone wa o masao qoŋ ilone itagai isei tuwale we gilala apena, gate ira angel ŋaŋ mulaŋ we tavunana, wa gate o Natui mulaŋ, nava o Mama.

Pa alo ikamiu te roŋotag ape vagalo ŋaŋ wa o roro vagalo ŋaŋ, turpea matikotiko apena. Tete ava lai pa te tamaine; nava o ulusui tagai tiqa.

Pa kamiu tur mamata goro momiu apena; ape kamiu gate gilala si o tagiima we kel ma alo masaoi tama avea, si alo ravrav, si alo tine qoŋ, si alo toa ti kokorako, si alo matava ran; nan ni wa kel malarowo ma, wa we ilo suar kamiu we matmatur. Wa iloke na we vava mun kamiu, wa na we vava munrasei nol si, Tur mamata goro.

Ape o sul te tavaraka goro o sul, wa o marana goro o marana; wa o rir ŋaŋ te rir alo tuan vanua, wa o maro wa o mataka te qeteg raka. O qeteg vivtig iloke ŋaŋ nake.

Wa me vet si a maŋasag amoa o lea we wia mun o veve sul nol.

Ape we qoqo te mule ma alo sasak, we vava si, Inau ma; wa te valeraira we qoqo.

Pa tur nonom momiu apena. Neira te ukeg vano kamiu ilo vavtig veveg ŋaŋ, wa te towtowos kamiu alo ima siwo tuwale ŋaŋ, wa te vatira kamiu goro nanagora governor tara maranaga ŋaŋ o manigiu inau, mun vaglala muneira.

Ape ira Christ galegale tara prophet galegale te tira raka, wa te la vano o vaglala ŋaŋ wa o vasasa ŋaŋ si a valera ran, si ta lai, ira iloraka mulaŋ.

Nava alo qoŋ ŋaŋ ilone, o ganawono ilone me paso veta, wa te qara siliga goro o loa, wa o vula tete ukeg nasarina ma; wa o vitu ŋaŋ te masmas siwo ma alo tuka, wa o gene mana ŋaŋ ta vawo tuka te mariŋoriŋo.