ខគម្ពីរពេញនិយមពី Luk 6

ចែក​រំលែក

tur le, wa te le mun kamiu, o tano towotowo we wia ras, me qeret siwo, me noŋerag, we tapalworag te le alo varamiu, wa mun o qat towotowo kamiu we towotowo nia, te towo kel mun kamiu mun ilone.

O matai tanun we sese lue o matai gene nan o matai gene ŋaŋ me sogon ti alo toqana; wa o mala tanun we sese lue o mala gene nan o mala gene ŋaŋ me sogon; ape navalana we vava lue gese o gene ŋaŋ natoqana me uravag ti nia.

Panava tur tape ra tavalalea, tur gege wia, tur lala galtag, tur pea motmot ilo o nom nerei, wa o sarsar mun kamiu te poa, wa ikamiu te ranat i Eleele, ape ni we aleŋa mun ragai gate lolowia kel, wa mun ra tatas.

Namatevumiu ni magarosa, tama namatevun Tamamiu we magarosa.

Wa turpea veveveg, wa tete veveg kamiu; turpea veveg qalo wa tete veveg qalo kamiu: tur ukeg wasawasa, wa te ukeg wasawasa mun kamiu

Panava nau we vava mun kamiu we roŋotag nau wa, Tur tape nomiu o tavalalea ŋaŋ, tur ge wia mun rasei ŋaŋ we ŋustup kamiu; tur wievavae irasei qe vivnag kamiu, tur tataro apen rasei qe ge visarag kamiu.

Wa tama ikamiu we maros o tanun ŋaŋ neira a ge mun kamiu tur ge mulaŋ tamaine mun neira.

Isei qe wosa napalasama, ka ate ris munia natavala palasama; isei qe lareag nom o vioviog naniko, nipea gogoroi o siopa sarusaru nania. Ka maukeg mun valsei we paere naniko, wa isei qe lareag napulama nipea paere kel nania.

Ape itagai o matai tangae we uwauwa lai o sokore woai; wa itagai mulaŋ o sokore tangae we uwauwa lai o matai woai.

Ape te gilala o val tangae mun naturwoana. Ape o tanun gate tawotawo lai o fig nan o sou, wa gate is o wo vine nan o wolakaukau.